Cikël poetik nga Atdhe Geci

Atdhe Geci

CIKËL POEZISH

Shqipëri, kam një fjalë të dardanëve

për ty, vetëm të bashkuar jemi një!...

A.G.

*****

Çamëria s´është e vdekur, jo, ajo

po rilindet! Rrënjët e gjakut të

lashtë pellazg në Epir nuk shuhen

Kështu u thoshte Aristidh Kolia

Kryepersonazheve në librat e tij!...

TRASHËGIMTARËT

Shqipëri, libri më i lashtë i tokës

Libri më i lashtë i gjuhëve antike

Më i arti libër i Atlantidës pellazge

S´mund të ndahem nga balta jote

As nga tre detërat tu të Mesdheut

Shqipëri, vë rregullin në trojet tua

Ji trashëgimtare e Ilirisë pellazge

E duam tërë gjerësinë gjeografike,

të gjerësisë gjuhësore e kulturore

Shqipëri, mëma e gjuhëve antike

trojanët për ty Trojën e bënë të

përjetëshme! Pellazgji, askush ty

s´mund ta heq origjinën shqiptare

me pellazgët ne jemi njëgjakësh!...

E P I R O T Ë T

Tokat e pavarrosura rilindin dhe rizgjohen

dhe flakën e marrin nga zjarret e fshehura

Por, do të vij një ditë tjetër, kur do do të

dëgjohet heshtja e Pellazgëve, heshtja e

Ilirëve, Dardanëve, Epirotëve dhe Moresë

Heshtja e një dite të madhe për shqiptarët

Atdheut tonë kurrë s´ju njohën të drejtat

As kurrë s´ju lejua të rroj në tokat e tij

Por një ditë e ëndërruar po na afrohet

Ajo ditë do të flas me zërin e prejardhjes

Ajo ditë do të flas me zërin e këtij kombi

Ajo ditë s´do të jetë si sot, por, do të jetë

vetpranimi i prejardhja sonë pellazgjike !...

KËNGA E ROGANIT

Çasti kur unë do të jem i juaji, ende

s´ka ardhë! Jam rrugës, do të vonohem

jam pakëz i parakohshëm, jam në të

ardhmen time dhe në ardhmen tuaj

Pra, rrini zgjuar, ka njerëz që shtijnë

me padurim në zotin tuaj e zotin tim

mos u shpërngulni nga yjet e diejt tuaj

por, nëse ju dini një këngë për atdheun,

përshkruani, këndojeni, jepni zë kohës

në popull ka këngë shumë të bukura

këngë me art dhe gjerësi horizontesh

këngë me heroikë të qytetërimbërësit

Shqipëri, trupi im nëpër gjashtë shtete

Shqipëri, shtëpi e njëqind perëndive

Flaki nga Olimpi dritënxirësit e shtetit

LIBRI I ATDHEUT

I njoh qiejt e mi të dëshpëruar,

i njoh qiejt e mi të zemëruar

i njoh plagët e mia të trazuara,

i njoh betejat e mia për liri.

Bir njeriu, duaje atdheun tënd,

ti që je pjesë e çdo ndryshimi

Çamëria mungon nëpër libra

mungon Molla e kuqe e Ulqini.

Atdheu që mendon, lëviz me

idenë e ndryshimeve të mëdha,

se gurin e hises për historinë

me pika gjaku duhet ta fitojmë.

Midis mendjes dhe mendimit

bezdi e kam harresën, boshin

e saj, krijimin e pamjaftueshëm,

fryrjen e krenarisë së përgjakur.

Nga të gjitha gjësendet në botë

vetëm libri flet dhe bën dritë,

vetëm libri mbushë të vërtetën,

e shtatëzënë lë lirinë e shkelur.

EPIKË SHQIPTARE

Roganë, dashuria ime a + a + a

flutur e luleve nëpër livadhe

je qiellorja e paanë e poetit

liria më e pashkelur e ëndrrave.

Ky libër mund të jetë Dante

Leonardo, Bethoven , Mozart

Ky libër ka statuja të mëdha

për Thotin, Pirron, e Dardanin...

Atdhe, të kam dritë-gjaku në

çdo varg, guxim ajri në frymë

të kam libër me shumë beteja

të kam zemër në çdo këngë!

Udhës së pafund nëpër shekuj

do të jemi midis ndeshjeve të

mëdha, pjesë e ideas së ardhur,

në kraharor kam tërë historinë.

Tëra dhimbjet i kam a + a + a,

trazira ku shpirti jep e s ?merr

në mendje ku kokërr zë poezia

ka frymë udhës për në Çamëri.