Demir Krasniqi: Mora rrugën për Gollak

MORA RRUGËN PËR GOLLAK

Teksti , muzika dhe interpretimi: Demir Krasniqi

Mora rrugën për Gollak –

Të shuaj mall , të heq merak !

Lindjen time ku e kanë pritë –

T’ i shoh vendet ku jam rritë !

T’i  shoh yjet , Diell e  Hënë –

Ku i kam pas , unë, babë e nënë !

T’ i  shoh sofrat ku kem ngrënë ,

T’ i shoh trojet ku i kem lënë !...

T’ i shoh  krojet , ujë , ku kam pi –

Kah kam luajt lojëra si fëmi’!

Rreth e rreth Malësinë kalova –

Njeri t’ gjallë kund nuk takova !

Shkova kodrave  e në  zabele –

Kund nuk pashë çoban me dele !

Shkova kodrave bri për bri –

Kund nuk pashë edha , as dhi !

N’ kodra , n’ lugje , gropë me gropë –

Kund nuk pashë çoban me lopë !

Shkova fshatrave , mal mbas mali –

Kund nuk pashë gomar , as kali !...

Mal mbas mali , pyll mbas pyllit –

Kënd nuk ndjeva tu i ra fyellit !

Rogë mbas roge , mal mbas malit –

Kënd nuk ndjeva tu i ra kavallit !

Krojet ku kem pi për herë –

Ishin tha e ishin shterë !

Trojet ku kem pas me tel –

Ishin shembë krejt me themel !

Rrugëve t’ malit  fillova t’ qajë –

Nuk pashë shpija ku  kam pas dajë !

Nëpër brigje , kodra e rreze –

Nuk pashë shpi ku  kam pas teze !

Dola  bregut  mbi një kodër  –

Ku e ka pas shpinë  e imja  motër !

Kur mbërrina n’ atë  truall  të ngratë –

Shpi e oborr i gjeta thatë !...

Kujtoj kohët  sa janë përpjekë –

Gjithmonë n’ vuajtje e n’ luftë për  jetë !

Shpi e oborr i gjeta t’ shkretë –

Njerëz e shtazë krejt kishin tretë !...

Lumenj , përrenj , duke  i kalua –

S’ pashë mulli kund pa u rrënua !

Rrugëve t’ gjana e rrugëve t’ holla –

Nuk pashë  nxënës duke  shkua  te shkolla !

N’ ato vende , ku unë u rrita –

Nuk pashë mësues me i thanë :”Mirëdita !”

Pashë shumë shkolla mbyllë nën dry –

Lotët gurrë m’ rridhnin  nën sy !

Rrugëve e brigjeve kodrinore –

S’ pashë dyqan , as s’ pashë  shitore !...

Nuk pashë zyre , as  regjistrime ,

Fshatarë , lindje , as kurorëzime !...

Nuk pashë pleq , nuk pashë haxhi ,

Nuk pashë kënd  duke  shkua  n’ xhami !

Nuk pashë hoxhë , nuk pashë imam –

S ’ ndjeva ezan , as për Bajram !...

I rashë maleve poshtë – përpjetë –

Njeri i gjallë kund s’ kishte mbetë !

Shumë prej tyre kishin  ndërrua jetë ,

Shumë prej tyre kishin ra n’ qytet !...

Shumë prej tyre kishin shkua n’ kurbet –

Krejt Gollaku kishte mbetë shkret !

Shpi , as odë s’ ka mbetë n’ Gollak –

S’ ke  ku shkon ma për konak !

S’ ka gazmende , as fejesa ,

Nuk sheh dasma , as martesa !

Nuk sheh krushqi me bajrak ,

Nuk sheh nuse me duvak !...

Kanë humbë gjurmët nëpër breza –

Është mbushë thera mbi varreza !

S’ sheh xhematë , nuk sheh varrime ,

Nuk  ka  t’ pame , as ngushëllime !...

Harruam trojet , harruam oborret ,

Harruam tokat , harruam vorret !...

Harruam gjithçka çka kem pasë –

Jem shqepë  anë e mbanë dynjasë !...

Gjilan, më 10. 11. 2018.      Demir KRASNIQI