| E shtune, 10.11.2018, 05:59 PM |
VJESHTË
Flokë të verdha dhe të kuqe lyhen vjeshta,
me te bardhë lyejnë zogjtë e reve në lartësi,
Uji i liqenit pasqyron ngjyrën melankolike
duke pritur buzët e gjetheve në fshehtësi.
Parku shtrohet me gjethe që bien
paqja që sundon prishet nga kordelet e erës,
bukuri vjeshtore që zhvishet me elegancë ngadalë,
si vajzat që shijojnë dashurinë e parë të zemrës.
Ndjej brenda shpirtit violinën e vjeshtës,
sytë e horizotit drejtur nga ikja e dallandysheve,
ndjej vetminë e gurëve në liqen që do presin gjatë
të përkëdhelin themrat e pushuesve dhe zhytësve
Të adhuroj flokartë vjeshtë e çasteve intime,
se ti ndryshon dhe melodine e zemrës time.
Vjollca Tiku Pasku