Jusuf Zenunaj: Xhamia në kryeqytet

Jusuf Zenunaj

URON HANKO HALLA

E gëzuar Hanko Halla

shikon fotografinë,

Hamzain e Ademin

roje atdheut tek i rrinë.

Me lot në sy

uron për ushtrinë.

Më e lumtur se sot

nuk qe kurrë në jetë,

vendi u bë

me ushtrinë e vet.

Tetëmijë ushtarë,

60 mijë veteranë,

partneri i parë

për Naton në Ballkan..? !

J.Z. 20 shtator 2018

SHËËEËTT ...

Kanë thënë, por mos fol ?!

S'kemi gjë në dorë !

Djali i Maxhunit

me armë e me drogë..

Policia, as Prokuroria

fare nuk bëzajnë,

pendlat në dorë

vallë, kujt do t'ia lëshojnë ?!

J.Z. 20 shtator 2018

E KAM PASUR...

E kam pasur shok,

bashkëluftëtar ,

e kam pasur mik,

ia kam dhuruar armën,

revolen ma la amanet..!?

Shumë flasin nga qejfi -

kur është koha

flet i vërteti...

J.Z. 19 tetor 2018

XHAMIA NË KRYEQYTET

Fjala e myftiut

në fund të Ramazanit,

përkrahur nga Sultan Erdogani

e fortë si tufani !.

Xhami të madhe

do të ndërtojë BIK-u

se e vjetra

prej dore " i iku" ?!

Mbushur plot shiringa,

plehra e pushues endacak

bashkë me trupshiturat

ditë e natë ...!

Në xhaminë e re

do të thirret EZANI,

kështu duan Tërnave

bashkë me Erdoganin....

J.Z. 14 korrik 2017

JA KU JAM...

Ja ku jam,

edhe unë do kullos ,

vendin tim ta bëj kos !

Kos bashkë me politikanë

deputet, analist e gazetarë -

do harroj se jam shqiptar..

Eurot i kam në rend të parë,

turpi s'më bën të marrë.

Ja ku jam , ja ku jam

Níkos Kotziás, eja !

Për tradhti s'më vret rrufeja ..

J.Z. 22 tetor 2018