E shtune, 20.07.2019, 09:03 PM (GMT+1)

Komente

Dedë Preqi: Nuk është interesant se kush e lau xhenazën e Rugovës, por kush e dëshiroi atë xhenaze!

E enjte, 25.10.2018, 07:31 PM


Nuk është interesant se kush e lau xhenazën e Rugovës, por kush e dëshiroi atë xhenaze!

Nga Dedë Preqi

Në çdo kohë dhe në çdo epokë historike të shqiptarëve të Kosovës dhe më gjerë, figura e dr.Ibrahim Rugovës, do të ishte gurthëmeli i sovranit të një populli, të qenët i barabartë me popujt tjerë të lirë të botës, i cili jo rastësisht ishte një letrar, ai u shfaq edhe si një filozof e politolog, që u perul vetëm para këtij populli dhe u bë i bindur deri në vdekje.

Prandaj, mund të përqendrohemi në aspekte nga më të ndryshmet për presidentin I.Rugova, megjithatë do të mbërrinim në të njëjtin përfundim, që do të mbështetet në një dobi të konceptuar dhe historike, që e ka domëthënjën e barazisë njerëzore dhe domethënjën e bazamentit dhe krijimit të një shteti të ri demokratik, duke aluduar në shtetin e Kosovës.

Janë shumë domethënese format e para të organizimit të pushtetit rugovian, paralel me pushtetin okupues, edhe pse me plot armiqësi e rreziqe, por e pastër dhe e hapur, përmes së cilës i dha frymë dhe jehonë Lëvizjes Demokratike shqiptare, duke e organizuar dhe drejtuar Lidhjen Demokratike, si një lëvizje e veqantë dhe formë e zhvillimt të demokracisë mbrenda dhe jashtë Kosovës, e cila vepron dhe ngritet mbi parimet e një shoqërie demokratike, pa dallime fetare dhe përkatësie.

Presidenti historik i Kosovës, dr.I.Rugova, që nga periudha e hershme e jetës së tij, gjeti ide dhe vlera, prejardhja e të cilave ishte qartësisht parimore për sëcilin popull të botës, dhe nga ana tjetër ato ide dhe forma u shpallën pronë e të gjithëve neve, dhe gurthëmel i shtetit të ri demokratik të Kosovës.

Ndër të tjera, përveq shtetit okupator dhe cenzurës së tij, gjithandej presidenti hasi edhe në kundërshtime të shumta të rrymave dhe grupeve shqiptare, të cilët e kundërshtonin dhe shumë herë e kërcënuan presidentin dhe rrugën e tij atdhetare, por asnjëherë ky kolos i traditës atdhetare, nuk zbrapët dhe frikësohet nga ata hora, që sot i sjellën dhe përkulën e lëpihen si dhelpëra rreth e rrotull varrit të tij, sikur rreth një P e j g a m e r i.

Dhe ajo që qëndron në thëmel të të gjithave, presidenti Rugova, ishte vullneti dhe përpjekja e tij e vazhdueshme për zhdukjen e robërisë shekullore, zhdukjen e tiparit trashëdent në këto troje dhe krijimin e një shteti të ri demokratik dhe multietnik në Kosovë. Presidenti Rugova, nuk ka pasë asnjëherë dhe fare lloj doze të dallimëve nacionale e fetare, sikur që disa media dhe njerëz kopetent të BIK-ut, i japin rëndësi larjes së xhenazës së Presidentit Rugova, dhe trajtimin e mënyrës fetare, apo anasjelltas, për të cilin dalin plot gjëra qesharake, që nuk i takojnë autoritetit të presidentit.

Çfarë do të thotë nëse presidenti Rugova, ishte si Ibrahim, apo si Pjetër?

Ky jo-seriozitet nuk erdhi nga pjekuria njerëzore dhe nga pjekuria tolerante njerëzore, por nga thirrja e atyre njerëzve që dëshirojnë përçarje në mes të shqiptarëve. Kjo thirrje po bënë jehonë, duke tentuar ti jep kahe tjetër këtij populli dhe këtij vendi, që nuk do duhej të kishte vend dhe tolerancë asnjëherë në këtë vend dhe popull, por do të parafytyrohej, vetëm te ata mohues të vetëvetës, të cilët bëjnë pazare me tokat e veta dhe bëjnë pazare me bijtë dhe bijat e kombit të këtij trualli.

Prandaj, nga presidenti historik I. Rugova, kemi përfituar të gjithë ne, së bashku me shtetin e ri të Kosovës, por gabojmë nëse presidentin në fjalë do ta keqpërdorim dhe trojtojmë në rrethana të besimit dhe interpretimëve fetare, e cila çështje do i përkitëte atij dhe familjes së ngushtë. Nga ana tjetër, nga çdo anë ai qëndronte nën vështrimin e botës dhe njerëzve të mëdhenj, dhe në çdo vend demokratik kishte zotërimin e vet dhe respekt, deri edhe te SHBA-të, që krijoi miqtë më të mëdhenj të Kosovës.

Megjithatë, për jetën fetare të tij, ai në fakt e kishte një vend, e pikërisht atë që i jepët në formulën biblike  dhe kuranore, «Lavdi i qoftë Hyjit në lartësitë qiellore», ndërsa në jetën atdhetare ka lënë merita historike, të cilat do të zbërthejnë dhe hedhin dritë gjithmonë në breza dhe trojet tona arbërore.

Shqetësimi fillon dhe e prek natyrën e tij njerëzore, sa herë që nga ne, dalin fjalë banale dhe shpifjeje për përsanalitetin e tij, për përfitime të ndryshme politike dhe karieriste, të cilat nuk mund ta zbehin përsonalitetin e Rugovës, por e zbehin imazhin e shoqërisë tonë ndaj një përsonaliteti të madh, që nuk ka me lindë koha jonë me shekuj.



(Vota: 3 . Mesatare: 5/5)

Komentoni
Komenti:

Artikuj te tjere

Reshat Nurboja: UÇK nuk është 'ai - UÇK je ti kosovë…! Pierre-Pandeli Simsia: Koloneli i ndjerë Arben Zylyftari në memorjen e një familje korçare Florim Zeqa: Shpirti i shitur i kryeakademikut! Dedë Preqi: Në mesin e pelegrinëve fshehët edhe djallëzia e krimeve Nue Oroshi: Mos i hani paret e krajlit se shenjë të zezë po i leni djalit Adil Fetahu: 72-vjetori i shkollës Normale të Gjakovës Aurel Dasareti: Vetëm të vdekurit e kanë parë fundin e luftës Dedë Preqi: Diell dimri në politikën e Kosovës Ndue Dedaj: Kalaja e Krujës në vitin e Skënderbeut Fran Gjoka: Militantizmi e ka dëmtuar rëndë sistemin arsimor të vendit Zejdush Kastrati: Na ёshtё ngulfatё pёrspektiva?! Nue Oroshi: Të përzihesh në politikë dhe ta kuptosh politikën si art i së mundurës - janë dy botëra dhe një kufi i madh që i ndanë në mes Fahri Xharra: Troja e vërtetë është në Shkodër Dëfrim Cani: Avni Ponari,njeriu i punëve të mira Valon Jashari: Ideja e bashkimit të Luginës së Preshevës, pa dakordimin e koniokturave ndërkombëtare e mekanizma adekuat dhe me njerëz të gabuar është afektive Ndue Dedaj: Kanina e Donika Kastriotit Fran Gjoka: Shkolla dhe shoqëria kërkon drejtues të kualifikuar, të cilët duhet të marrin një formim universitar cilësor dhe profesional Islam Lauka: Taktikat e gabuara tё Thaҁit si komprometim i strategjisё sё drejtё tё Kosovёs Adil Fetahu: Nobeli që u trishtua vetë dhe i trishtoi të tjerët Idriz Zeqiraj: Albini sulmon, por edhe e mbron Hashimin

Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT