Zemra Shqiptare

  https://www.zemrashqiptare.net/


Nebi Dragoti: Filozofi jete

| E enjte, 28.06.2018, 06:52 PM |


NEBI DRAGOTI

 

FILOZOFI JETE

 

Njeriu jetës vetë

shpresën i jep dhuratë;

siç i jep ti, poet,

poezisë art…

 

Njeriu shpirt shpresë

Botës i jep dritë;

siç i jep ti, poet,

jetë poezisë…

 

 

E REJA

 

Devizë përkushtimi:

ta ngremë të Renë,

t’i japim forcën, djersën,

gjakun, shpirt shpirtëzimi.

 

E Reja ka filozofinë progresiste

të bukurisë,

të përparimit,

të marrshimit,

të ecjes veç përpara

pa devijime absurde llogjike.

 

E Reja e ngritur me art e sakrificë,

me shtat lulzimi pranveror

në token stërgjyshore

është pronë e popullit tim heroik,

e Shqipërisë madhështore dhe moderne…

 

 

ÇAST

 

Hëna dimërore, bri zabelit, në skaj

mbi flokët na hodhi vellon e saj.

 

Nën heshtje drurësh mbetur pa zogj

as ti, as unë, jo, nuk patëm ftohtë.

 

Yjet si thëngjij u shkoqën mbi fshat

në ajrin e pastër gjithë atë natë.

 

Unazë hënën të vura në gisht

dhe si vagabond të putha tinësisht.

 

Tani luleboret si rreth t’i vë në brez,

kujtoj atë çast e si djall zë e qesh…

 

 

SHVLERËSON KOHA

 

Kot: fjalë pa kursim

në podium konkurimi;

fjalë për vlerësim

pa barazpeshë vepre,

pa meritë dhënie çmimi…

 

Fjalë jashtë realitetit

si me lugë zbrazur

ngopja me qejf e poetit

me çmim në të ardhmen

prej kohës i përflakur…

 

 

KUÇEDRA KA DALË

 

Kuçedra apo korrupsioni

njësh qënkan, sinonim fjale…

Kuçedrës i pret një kokë,

dhjetra kokë të tjera i dalin…

 

Me kuçedrën binjak korrupsioni,

dhe korrupsionit sa i shtyp një kokë

maskuar më shumë kokë i dalin,

e, kjo, aspak s’është pamje iluzioni.

 

Pa një, pa dy as unë nuk po e di:

kush do ta shpartallojë ballëpërpallë,

kush do ta fitojë betejën në demokraci,

apo demokracia qënka vetëm për t’u tall?

 

Korrupsioni edhe kuçedra

sinonim janë. Mos harroni!...

O burra, me artileri qëlloni!

Fitoren e betejës ta ketë populli.

 

 

HAIQET E REALITETIT ME HALLE

 

1-

Shteti…sikur tallet?!

A po bën vetë,

se… nuk është shtet?!...

2-

Politika ujë e llumë…

“lodhet” duke hapur

vrima në ujë…

3-

Zyrtari

s’ rri në vendin e punës.

Ka krahet e ngrohta.

4-

Bilbilat në protestë,

Se s’ punohet në zyra…

Glasa meritojnë tek dera.

5-

Qënka qeveri më vete…

Ikën , vjen sipas qejfit…

I pjerdhshim çelsat…

6-

Fjala ka formë, poet!

Formën mos ia prish!

Fjala s’ është kurvë…

7-

Puna do seriozitet,

Rendiment do puna!

Me djersë justifiko rrogën!

8-

Politika mbushur me gazepë,

Sharlatanë me këmborë.

Rrogat nga opopulli I marrin.

9-

Luaje gishtin, luaje

Në zyrë me cellular…

Mjel bylmet degjenerimi.

10-

Kontrollori I cilësisë

Ka harruar kontrollin,

Por..s’ harron ditën e rrogës.

11-

Çmimet pa kontroll,

Çmimet gjithnjë rriten…

Tregti e çmendur.

12-

Nuk kupton e s’ shikon.

Vendi ka plot halle.

Politika halle nuk zgjidh.

13-

Ta marrin vesh parazitët:

Tundu këmborën, Bejkë e bardhë:

Pa dalur në kullotë nuk ka qumësht…

14-

Tund a s’I tund vithet

Në kabare nate.

S’ jetohet duke luajtur b….

15-

Ç’ dashuri:- Të dua, o shpirt,

Je dritë, je yll, o peri!

Fjalë konsumi për një ditë.

 

 

VAJZAT FUTBOLLISTE

 

Nuk kanë thonjë të gjatë me manikyrë,

me gjilpëra nuk rrisin gjoks e prapanicë,

nuk bëjnë operacione plastike në fytyrë

të thjeshtat, të shkathtat futbolliste.

 

Nuk bëjnë buzë të trasha si lopë(…)

Shihi, shihi në fushë si bëjnë sprinte;

ja, numri tetë bën gol me kokë,

tjetra bukur bën pritje penalltie.

 

Spektatorët duartrokasin mbushur emocione,

kur triblojnë rrufeshëm e bëjnë rrofishat.

Hëë, më ju lumtë! Dalshin kampione!

Hëë, më ju lumtë! Ç’virtyt femra që kanë!

 

 

HORIZONT, HORIZONT

 

Dëshirë për të arritur ty, horizont:

qysh fëmi hipa në pemë e në kodër…

Eca, eca e nuk të arrita dot.

 

Thashë: ngjitem në mal, lart,

që ta kap atë vijë, që ta kap’

por vija e horizontit ikërka larg..

 

Horizont i pakapshëm, horizont,

baraz si motive zemre të poetit,

se gjithë motivet as poeti s’i kap dot…

 

Veç, ama, poeti ka horizont tjetër,

horizont me ngjyra lulesh dhe ylberi (…)

Mundohemi , poet, këtë ta fusim në letër.