| E premte, 22.06.2018, 07:23 PM |
Vjollca Tiku Pasku
LULET E VIRGJËRISË TI FALA TY
Ti fala ty gjithë lulet vajzërore të virgjërisë,
se të dua pafund, o i zgjedhuri i shpirtit tim,
Nektarin e trupit tim ta shijosh përjetësisht,
luleshtrydhet e gjoksit tim mbi çdo ëmbëlsim.
Ti më përkëdhel pjesët e paprekura të trupit,
ku më zgjon burimin që flinte prej kohësh.
Ndjej dhimbje kënaqësi të zhveshur prej turpit,
në një tërmet trupor, që më dredh gjer te flokët.
Më mban në krahët e tu, si bijën e perëndive,
të mbaj në zemrën time, si engjëll qiellor,
Më mban mes dy yjeve shkëlqimtar të syve,
të shkrij brenda qenies sime, me afsh diellor...