Shyqyri Fejzo: Në aeroport

Shyqyri Fejzo

Në aeroport

Nga aeroporti sa dolën

Si dy yje në vezullim

Vrapin drejt nesh morën

Vajza kokën në gjoksin tim

“Baba dua të prezantoj

Të them dhe në vesh një fjalë

Me këtë asganin atje studjoj

Njihu dhe ti me këtë djalë”

Sa të pashë, në cast të njoha

Si  balerinë më ecje ashtu

Dhe se pluhur ka hedh koha

Vetëm  ti ke sy kaq blu

Na u afrove si kaprolle

Bëre sikur nuk na pe

Vajzën time përqafove

Tët bir  mua ma le

“Qënki njohur që përparë

A është kështu more baba?”

“Puna e tyre tu shkojë mbarë

Ne nuk përzihemi me ata”

“Ruheni djalë dashurinë”

Hap ajo gëzueshëm lojën

“Kujdes vajzë me xhelozinë”

I them unë me plot gojën

Përsëri ajo merr fjalën

“Pse cuditi? S’është hata”

Unë përballë shkunda djalin

“Mund të ishit  motër e vëlla”

“Futini një puthje të vonuar”

Flet “asgani” me dëshirë

Dëgjoj vajzën të përqafuar

“Dhuratë për të ardhmen vjehrrë”

31.03.18