E premte, 29.03.2024, 04:51 AM (GMT)

Kulturë

Ilir Manxura: Me poezinë time udhëtoj

E marte, 06.03.2018, 06:42 PM


ILIR MANXURA

 

ME POEZINË TIME UDHËTOJ.

 

-Cikël poetik-

 

AI  JAM

 

...ai jam ai;
Ai që kam qenë ,
nuk kam ndryshuar .
Gjithmonë, ai djaloshi i huaj ,
që të shkruante vargje dashurie
Me petale lulesh të mbuluar .
Ai djaloshi ,
ai që kam qenë,
pak i krisur , i llastuar ,
qe te ftonte ne aventurë
e të fliste për nje botë tjetërsoj ,
nje botë të ënderruar .
Pa shih !
Edhe ti njësoj më je .
E njëjta qeshje buzagas ,
që shumë tregon , pa thënë asgjë
Ti , dhe hapat njesoj i hedh kur mbi tokë ,
takat e holla përplas .
Nuk kam ndryshuar jo;
Jam i njejti nxënës çamarok ,

që të shkruante vargje dashurie,
       Vargje, që gjithmonë fillonin me të njëjtën fjalë
       e në fund ,
       s'dinin të ndaleshin...
       As ti s'ke ndryshuar jo ..

 

 

I PATA THËNË QË...

 

 ndonjë herë ,
   nata mezi shtyhej dhe..
   qetësia ,
    murmuriste histori nga jeta ime .
   Më murmuriste sikur ..
   frikë të kishte,
   se mos horizontet suvenire ,
   nata i fshinte ,
   në terrin e saj hije errësire.
   E kështu vazhdonte ,
   deri sa melodia mëngjezore
   vallëzimin e rrezeve tëpara,
   të zhvirgjëronte.
   Mëpas unë , ...
   që një zakon me të bukurën e kam
   abuzoj e martë e mira ,
   në tundim .
   Ndaj ....,
   ndaj i pata thënë që kujdes të ketë ,
   nga ky dreq zakoni im .

 

 

VETËM ...

 

.. Një shëtitje .
   Vetëm një shëtitje ,
   unë e ti .
   Atje tek shtegu i brishtë ,
   pranë uëvarës ,
   larg zhurmës,
   vështrimit e fjalës.
   Vetëm një shëtitje ,
   unë e ti ,
   në rrugicën paksa delikate ,
   aventurën që ...
   si unë ,
   dëshirë të pashuar,
   aq shumë edhe ti e pate.

 

 

YLL PA EMER

 

...aty lart ,
  në qiellin e natës ,
  u bëra një yll pa emër,
  pa origjinë .
  si një poet ,
  që hije dyshimi ,
  të tjerr në çdo varg ,
  ç'do poezi .
 ... çdo mbremje ,
 vishem në të bardha
 mesnatën pres i parfumuar ,
 në eufori
 e çdo mengjez ,
 sapo dita duket ,
 përsëri si pa kuptuar ,
 bëhem njeri.
 ... Paçka ,
 durim kam e bëj,
 në turbullirën njerëzore ,
 pa dyshim .
 Një premtim ,
 e kam se atje lart ,
 në mbrëmje do jem përsëri ,
 në vendin tim.
 ...Atëhere ,
  mesnatën pres ,
 në vallëzimin yjor të jem,
 kavalier .
 përulur ,
 nën elegancën time.
 ndaj yllit që vallëzoj çdo natë ,
 dorën ta nder ...

 

 

LIRIA IME


..si një perlë ,
të ruajta kaq shumë ,
ty ,
liria ime , rreze ëndrre .
Ty që larg mi mbajte barazhet.
në rrugët e fatit .
eh !..
Moj liria ime .
vullnetit tend verbërisht ,
shpirti im ju nënshtrua.
Unë ,
ti dhashë të gjitha .
Dhe këmishën e fundit që pata,
krahëve të tu e hodha .
Sa herë ,
u kujdesa unë për ty ?
Për kapriçot e tua , lozonjare .
Vendin tim ,
për ty e nderrova .
Edhe miqtë e mij ,për ty ,
i humba i harrova .
..hëm !!
Edhe vetminë ,
që ma buzëqeshje herë , herë ,
kur kuptoja se kish mbaruar ,
një e bukur aventurë .
Eh ! ..
E imja liri rreze shprese .
Në natë pranvere të ika , të lashë .
Veten time
e lëshova dhe të tradhëtova ,
për një burg dashurie
dhe..
gardianen e tij bukuroshe ...

 

 

ME POEZINE TIME UDHETOJ.

 

Ndodhin kaq shumë gjera .
Dhe ndodhin njëherësh në një poezi .
Ka rreze dielli , ka dritë , ka natë ,
ka kujtime që mbeten .
Ka emocione që vijnë e lot që nuk treten .
Të gjitha nepër vargje rrjedhin .
Yje zanash që diktojnë për një botë të pastër
dhe akujt e urrejtjes i shkrijnë ,
e sharmi fëshfërimë i dashurisë .
fidanët e paqes filon të rrisë ...
Ndaj dua sot ,
Udhëtimin të nis me poezinë .
Të ec, vrapoj te fluturoj ,
dashuri të jap , të marr dhe paqe të dhuroj



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora