E diele, 04.12.2022, 04:47 AM (GMT)

Kulturë

Murat Gecaj: Në ditëlindjen e kolegut Sajdo Harka

E enjte, 22.02.2018, 08:00 PM


NË DITËLINDJEN E KOLEGUT E MIKUT, SAJDO HARKA…

Nga Murat Gecaj

Sot nga mesdita, një pjesë e “Kompanisë lëvizëse”, siç e kemi pagëzuar ne, ishim të ftuar në një gëzim të veçantë, nga kolegu e miku ynë i pandarë, përmetarit Sejdo Harka, publicist e studiues dhe drejtor i një shkolle jopublike të kryeqytetit.

Ne, të pranishmit (shkrimtari e publicisti Bardhyl Xhama-“Mësues i merituar”; shkrimtari i njohur e publicisti Viron Kona dhe arsimtari veteran e publicisti Ibrahim Hajdarmataj, nga fshati Zogaj i Malësisë së Gjakovës-Tropojë dhe unë), aty në lokalin e Gazit, në anë të “Unazës”, jo larg nga Tregu i Madh i Tiranës, ngritëm dolli dhe i uruam atij, nga zemra:

Jetëgjatësi, me shëndet, mbarësi e krijimtari, si dhe gëzime e lumturi të përhershme, për veten e famijen e tij të nderuar!

Me biseda të këndshme e duke ngritur dolli dhe, pse jo, shoqëruar me ngapak humor, minutat kaluan shpejt, pa u ndjerë. Kur ne ramë disi në qetësi, mori në celular, nga Durrësi dhe e uroi Sejdon për ditëlindjen, arsimtari veteran e publicisti, Kadri Tarelli…

Ndër  të tjera, kujtuam vitet vitet e paharruara të punës në gazetën e Ministrisë së Arsimit “Mësuesi” (më pas revistë), po kështu kolegë e miq dhe bashkëpunëtorë të shumtë, nga të gjitha anët e Shqipërisë. Por aty  folëm edhe për librat tanë të botuar e planet për botime të reja, si dhe publikimet tona, në shtyp e në faqe të ndryshme të Internetit. Njëzëri, e falënderuam mikun e përbashkët, drejtorin e “Fjalës së Lirë”, në Londër, Dr. Fatmir Terziu, i cili i bën publike shkrimet tona, me përparësi e profesionaliizëm.

Në kujtim të këtij takimi mbrësëlënës, me aparatin e Bardhylit e timin, fiksuam disa fotografi, që janë kujtim i paharruar për ne. Dy  prej tyre, po i bashkëngjes me këtë shënim të thjeshtë.

…Në fund, ne u ndamë përzemërisht me njëri-tjetrin, duke e uruar përsëri Sejdo Harkën, për ditëlindjen e tij. Por dhe u shprehëm, se mbetemi në pritje të takimeve të tilla, të bukura e të gëzueshme, për secilin pjesëmarrës.

Tiranë, 3 shkurt 2018



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora