E shtune, 04.02.2023, 05:06 AM (GMT)

Kulturë

Mercedes Gega: E vogla zhurmëmadhe!

E hene, 29.01.2018, 09:11 PM


Mercedes Gega

 

E vogla zhurmëmadhe!

 

Një mizë e vogël zhurmëmadhe

E dëgjoj tek më fyen qetësinë

Vëmendje kërkoka sot patjetër

Kjo mizë as e zezë e as gri!

 

Dëgjoj të vërtitet nëpër dhomë

Në ajër shoh akrobaci

Pa pyetur e vogla zhurmëmadhe

E kujt ishte kjo shtëpi!

 

Pa dale, avitu të të shquaj

Pa më thuaj nga hyre

Ashiqare?!

Mbyllur i kisha gjithë dyert!!!

Mbyllur i kisha dhe dritaret!!!

 

Ahhh ... moj ti e pabesë

Vetë se ditke,

por as kush  s'ta ka mësuar

Me lajka s'është blerë ndonjë mbretëri

E aq më pak,

në këmbë të ketë qëndruar!

 

Ndaj mësoje e vogla  zhurmëmadhe

Në hyn tinëz aty  ku kush s'të fton

Aty jo që dot s'imponohesh

Por as përcjelljen  jo dot s'pretendon!

 

21.10.2017

 

Kujtim i ajërt

 

E ulur jam në një stol...në park

Është fundvjeshte, sigurisht

Në qiell dy re lozanjare  me diellin luajnë kukafshehti...

 

Frymëmarrjen lë një çast të shplodhet

Në ajrin që fletët e fundit numëron

Nga larg shoh tek befas fekset

Kujtimi yt...kujtimi jonë!!!

 

Erdhe me vjeshtën

Po po me të

Kujtohem mirë, ish' ditë si kjo

Era me drurët po përshëndetej

Ti pranë m'u ule, po në këtë stol!

 

Stola të tjerë kish' parku plot

Dhe vende bosh kish' padyshim

Por ti s'hetove të shihje kund

Duket e ndieve pritjen tek unë!

 

Vjeshta të tjera erdhën dhe ikën

Për ty më pyetën se ku je vallë

Përse në stol sot gjendem vetëm

Përse s'të shohin pranë meje...ndanë?!

 

Ç't'ju them më thuaj Përgjigje s'di.

T'ju them se vjeshta Të lodhi ëndrrën?!

Apo se njohe një diell të ri?!

 

Ca pikëza shiu më puthin ballin...

Sa poetik ky shi vjeshtor

Qetësia parkun ka përqafuar

Ndërsa vjeshta nis e tregon...!

 

23.10.2017

 

Mëngjesi im!!!

 

Mëngjesi im i dashur

Ai , ai  i imi

Kur supet m'i puth

i diellti

I ëmbli varg frymëzimi...

 

E dua dhe kafen time

Kur më thotë:

"Mirëmëngjes"

E pranë saj ulur më pret

Dhe një ëmbëlsirë e lehtë!

 

Por, veçmas, unë dua atë çast

Kur dhe hapi i ajrit hesht

Kur qetësia dëgjon në heshtje

Pra, kohën kur shpirti flet!

 

A ka çast më magjik

Ju pyes:

"A e dini?!"

Se një mëngjes poeti

Mëngjes si ky i imi ?!

 

28.10.2017  

 

Lamtumirë...

 

Një copë miqësie e vjetër

Më bëri sot të qaj

Si fëmijë

Kur e pash

Pas kaq kohe...

Mall pa tretur

Në një kryqëzim jete,

të ri!

 

Nuk di përse m'u përvodh

shikimit mall që s'rrëfehej

Përse iu tha nuk ju njoh

Dy syve nga të cilët dikur dehej...

 

Lamtumirë, i dashur,

brengë pa thënë

Lamtumirë, nëse ke ekzistuar

Kush s'vdes nga çfarë e ka lënduar

Rilind më i fortë për të jetuar!

 

18.12.2017

16:00



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora