E marte, 19.03.2024, 09:16 AM (GMT)

Udhëpërshkrim » Gorica

Pëllumb Gorica: Mall prej endërre

E merkure, 08.11.2017, 06:59 PM


MALL PREJ ËNDËRRE

 

POEZI

 

PËLLUMB GORICA

 

SA KOHË KËRKUAM VETEN…

 

Ah, sa kohë pa puthur rrezen...

Përballë këtij qielli mospërfillës

Me spektrin e zjarrtë të ylberit

Tani i falem dashurisë, jo Ferrit!!

 

Sa kohë pa prekur qiellin…

I shkretuar horizontit tinëzar;

Tani me zemër shpirtit zhytemi

Për të prekur shkëlqimin kristal!

 

Sa kohë kërkuam veten…

Fshehur diku, diku rrezeuar;

E gjetëm çapkënen mes nesh,

Aty thellësisht, të dy dashuruar!

 

PRES...

 

Pres çdo prag mbrëmje për psalmin e ditës

Që nata të bëhet po aq e qartë

Por një mospërfillje aq e pafajshme e dritës

E humbas errësirës së pafat!

 

Kur zërat rënkojnë gëlltis çdo zhgënjim

E vishem tërësisht me të zeza

Muzgu mbetet gjysmë në perëndim

Unë vuaj për dy fjalë të thjeshta.

 

Eh, e dua dritën për vete, për njerëzinë

E dua dashurinë në qiellin e shkrirë,

E dua jetën e përfshirë në mua

E dua dhe e mbaj ndër duar!

 

RETORIKË  URREJTJE

 

Përse o njeri i mjerë urrejtja të ka mbirë,

A thua bota, është letër higjenike e të përket ty,

Si një bishë prehën e radhës e shqyen me brirë

E ç’do pjesë të saj, e sheh verbërisht me sy...

 

Mes ditëve, nëpër vite, je hallkë e këputur,

Por vetveten kërkon ta afirmosh në jetë,

Ti aq keq, si akrepi nëpër mur ke mbetur,

Dhe e derdh helmin me fjalën më të sertë.

 

Si retë e zeza që lëvizin qiellit tinëzisht,

Mbi sfondin gri të atij shpirti me ligësi,

Ti të godet me rrufe, krejt pabesisht

O hije, o mirazh i ngarkuar me armiqësi.

 

Ty, rrugët të janë ngatërruan keq,

Në skuta të zymta si i molloisur në çark,

Miqësia flamurin gjysmë shtize s’e heq,

E mbi ty ka mbetur i varur çdo çast.

 

MALL PREJ ËNDËRRE

 

Do të ishte mirë, mos të kisha njohur

As sytë e tu, që s’janë më fshehtësi

Shtigjeve për të gjetur rrugën e humbur

Qiejve të ngarkuar me re dhe shi.

 

Çdo harrim shkërmoqet përkohësisht,

Limaneve të purpuruara pas një drite.

Fytyra e fsheh atë shenjtërisht

Për një zgjidhje nga ajri mbetet në pritje.

 

Prej sfondesh gri, jam kthyer me trishtim

Me të dashuroj ikjen larg në brigje.

Ti s’e di ç’farë kërkoj në shpirtin tim

Mall ëndrre që më ndjek në vite...



(Vota: 2 . Mesatare: 5/5)

Komentoni
Komenti:

Video

Qazim Menxhiqi: Niset trimi për kurbet


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora