E premte, 29.03.2024, 02:17 AM (GMT)

Kulturë

Përparim Hysi: Nuk besoj në asnjë klerik

E shtune, 04.11.2017, 11:10 AM


Ca "çudira" që më çudisin?!!!

 

(cikël me poezi)

 

Nga Përparim Hysi

 

1. Nuk besoj në asnjë klerik

 

Nuk besoj në asnjë klerik

(të çdo besimi,nga janë e ku janë)

Me sjelljet e tyre janë të  damkosur e pikë

Shumë prej klerikëve kanë dalë sharlatanë.

 

Pedofilë po; por dhe imoralë

(Pedofilët, ca më shumë i urrej)

Secili nga të damkosurit  të vejë mu në djall

Kur ka ca prej tyre që kanë dalë dhe "gej".

 

Dhe del PAPA i ROMËS dhe kërkon të falur

(por si mund të falet  një përdhunim?!)

Klerikë të flliqur (si derra janë ngjallur)

E kanë tronditur tonin besim.

 

Në ZOT besoj,sado që është lart

Lart dhe larg, por ZOTIN e kam pranë

Sharlatanëve të çdo feje, o ZOT vëru një damkë

Se tempujt ku "falemi", i përçudnuan.

 

29 tetor 2017

 

2. Jam "intelektual"

 

Të dëgjoj, kur thuaj:- Jam "intelektual"

Dhe, me të vërtetë që ndihem keq.

Intelektual? Por ti ta shpall

Të rroftë diploma e të vesh mu në dreq!

 

Rreh gjoksin dhe bërtet:- Jam"intelektual"

Pa hiqesh e mbahesh i rëndë

Jargosesh, shkumbëzon dhe bën rrumpallë

Dhe ke aq mend,sa një ka mbrehur në parmëndë.

 

Se kurrë intektuaili i vërtetë gjoksit nuk i bie

(se gjasme si ai dhe tjetër nuk ka në botë)

Se çfarë" malli",dukesh që  je

Ti je veç kallp dhe hiqesh "made in kokë".

 

30 tetor  2017

 

3. I pangopuri

 

I pangopuri? Nuk ngopet kurrë

As me mall as me para

Thotë:- Më shumë të kem... sikur

Vetëm unë të kem një dynja.

 

Shi të bjerë në arën time

Dhe të tjerët veç të shkretë

Të mos kenë asnjë thërrime

I pangopuri? Ndihet mbret.

 

Mos guxo të kërkosh gjëkafshë

Menjëherë  ta pret:- Nuk kam

Humb ndërgjegjen,kthehet kafshë

Edhe gjumë nuk fle tamam.

 

Jep e merr me pasurinë

(Qahet vazhdimisht si qyq)

As që pyet për njerëzinë

Dhe nga mendja mbet eksiq.

 

1 nëntor 2017

 

4.Sherri

 

Ca e ca sherrin e pëlqejnë

Dhe"forcën" e tyre sikur duan të dëftejnë.

Sikur në këtë botë veç ata janë trima

Kurse, në të vërtetë, janë krimba.

 

T'i  shmangesh një sherri, nuk je frikacak

Përkundrazi je trim dhe nuk je burracak

Sherrxhinjtë kreshpërohen veç ku ka turma

Se para turmave kapërdisen si burra.

 

Kur del dikush dhe atyre u thyen hundën

Secili nga "trimat" zë e bën pulën

A kini parë ca"monstra" në parlament

Që janë si"buçko", të fryrë me shëndet?

 

Si të "montuar" sherrin kanë mbi hundë

(se mos"guxon" t'u dalësh në rrugë?!!!)

Të fryrë nga urrejtja,shfryjnë si Herkula

Po t'i gjesh vetëm? Frikacakë si  pula.

 

Zhurmues të mjerë që hiqen si trima

Secili prej "trimave",neveritës si krimba!

Siç hyjnë në parlament,ashtu dhe dalin

Votues, me sy në ballë: me votën tonë t'i ndalim.

 

2 nëntor 2017

 

5. Ca "çudira" më çudisin

" Derëzeza, imebijë,

Burrë nuk ka, po ding fëmijë!!!"

Popullore

 

Janë ca "çudira" që më çudisin

Njerëz që nuk punuan një ditë

Janë pasuruar, por zënë e "kuisin":

- Se nuk durojnë fare padrejtësitë?!!!

 

E kam fjalën për ca palopolitikanë

Që çirren e ngjiren, sa zhurma në qiell

Për vete, çdo gjë padrejtësisht e përrlan

(Aha, veç kundërshtarët të venë në esfel!!!)

 

Nuk  kanë fytyrë,por veç kanë surrat

Zhurmues që nga veshët na shkallmuan

Një për një, këta parazitë dua t'i shoh në gjykatë

Të dënohen dhe të tkhejnë çfarë përrlan.

 

Nuk bëj fare dallime: të djathtë a të majtë

Kush shkeli ligjin,sipas fajit të dënohet

Se fare nuk dallon asnjë djall nga djajtë

Dhe kush është fajtor,nga plotika të qërohet.

 

Tiranë,  3 nëntor  2017



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora