Kulturë
Demir Krasniqi: Kosova e vogël me zemër të madhe
E hene, 03.07.2017, 08:09 PM
KOSOVA E VOGËL ME ZEMËR TË MADHE
Moj Kosovë e vogël , me zemër të madhe –
Djemtë porsi petrita , vajzat si sorkadhe !
Dhunti sikur ti , nuk kanë tjerat shtete –
Lumenjtë nga gjiri yt , derdhen në tri dete !...
N’ veri lumi Ibër , vjen në Mitrovicë –
Aty i bashkohen Llap edhe Sitnicë !
S’ bashku marrin rrugën , kalojnë për Serbi –
Shkojnë në Bullgari e derdhen n’ Det të Zi !
Po në Det të Zi , nga Kosova Lindore –
Shkon me krenari Morava Jugore !
Bashkë me te rrugëtojnë lumi i Moravicës ,
Edhe Lumi i Shtrembër , që vjen prej Kamenicës !
N’ Kosovën Jugore , lumenjtë rrjedhin prore –
Kalojnë shumë lugina dhe vende malore !...
Lepenci e Nerodimja nisen nga ky dhe –
Marrin rrugë të gjatë për Detin Egje !
Lumi Nerodime , ka në funksion –
Një bigëzim human – bifurkacion !
Kësaj mrekullie , mirë t’ ia hapim sytë –
Me këtë lloj dhuntie , n’ botë është vendi i dytë !
Dega e majtë i futet Sitnicës në gji –
Bashkë me te merr rrugën drejt Detit të Zi !
Dega e djathtë , merr rrugën nëpër leqe e shelgje –
S’ bashku me Lepencin , derdhën n’ Detin Egje !
N’ Kosovë Perëndimore , lumenjtë rrjedhin prore –
Nga Rrafshi i Dukagjinit dhe bjeshkët malore !
Lumbardhi i Pejës , Prizrenit , Deçanit –
Janë burime t’ pastra nga gjiri i vatanit !
I merr Drini i Bardhë , bashkë me Erenikun –
Dhe të gjithë krenarë , mësyjnë Adriatikun !
Askund kësaj bote , s’ ka këso marifete –
Nga një grusht Kosove – me u derdhë ujë n’ tri dete !
Gjilan, më 22.06.2017. Demir KRASNIQI
NJË SHTEGTIM PËR KUJTIM
Përmes telave të çiftelisë –
Një këngë t’ bukur , unë e kam ujdisë !
Me e këndua , unë , do t’ ia nisë –
Për shqiptarët e Maqedonisë !
Si bylbyli në agim të dritës ,
Do t’ këndoj një këngë të rritës –
Për shqiptarët e Iliridës ,
Që s’ ia njohin termin e frikës !
Do t’ kaloj Luginë e Karadak –
N’ Kumanovë të shkoj për konak !
N’ Kumanovë gjithë ku flitet shqip –
Bukës – bukë edhe kripës – krip !
Do t’ kaloj Grykën e Kaçanikut –
N’ qytet t’ Shkupit , do t’ ia mësyjë një mikut !
Valët e gëzimit seç më dridhen trupit –
T’ i këndoj qytetit të Shkupit !
Do t’ kaloj Sharrin e Kosovës –
Për konak do t’ ia mësyjë Tetovës !
Nëpër fshatrat e Pollogut mbarë –
Do t’ iu këndoj për trimat shqiptarë !
Do t’ kaloj nëpër bjeshkë të Sharrit –
N’ Iliridë , buzë lumit t’ Valëbardhit ;
Do t’ia këndoj trimat Gostivarit ,
Skënder Beut dhe Ismail Qemajlit !...
Do t’ kaloj liqenin e Mavrovës –
Për konak do t’ ia mësyjë Kërçovës !
Do t’ ia këndoj trimat e Uskanës ,
Të Zajazit , Qafës dhe Sulltanës !...
Do t’ kaloj Grykës së Radikës –
Për konak dua t’ ia mësyjë Dibrës !
Do t’ ia këndoj luftërat dhe traditën ,
Do t’ia këndoj trimat dhe mikpritjen !...
Drinit t’ Zi , do t’i shkoj rreth buzës –
Me kënaqësi do t’i këndoj Strugës !
Do t’i këndoj vekut edhe drugëzës ,
Sofrës , bukës , gjellëve dhe lugës !...
Do t’ marr rrugë me ngrohtësi t’ kraharorit –
T’i këndoj Prespës edhe Ohrit !...
Sa me gëzim rrugëve , unë jam nisë –
T’ shoh luginën e Pellagonisë !...
Do t’ zgjedh vargje si dritë xhevahirit –
T’ia këndoj qytetit t’ Manastirit !
T’ia këndoj qytetit t’ Alfabetit –
Me fjalët ma t’ ëmbla si lëngu i sherbetit !
Gjilan, më 03.06.2017. Demir KRASNIQI