| E shtune, 24.06.2017, 03:43 PM |
Kristaq Turtulli
Të gjitha i dua!
E dashur....
Dëgjoje simfoninë e lashtë, të ujërave
Nanurisjen e sirenave
Dallgët që lëpijnë bregun si nuselale,
dhe tërhiqen pas gjithë naze.
Cihatjen dhe përplasjen e krahëve të zogjve,
Ndonjë glasë që mbi çadër bie...
Llapashitjen e butë të lopatave.
Frymamarjen e thellë të peshqeve,
Thellësinë e deteve
Si shpirti i grave.
Këngën e zvargur të peshkatarëve...
Për vajzën e panjohur të valëve.
Grindjen e çafkave.
Sheh një ajsberg të bardhë,
lundron ngadalë drejt jugut, është në shkrirje,
Retë enden në qiell si balena.
Shiu i imët pëshpëritën mbi palma,
Fjalë të vjetra.
E ndjen e dashur, në koçka, mjegullën e përhimë.
Është e pabesë reumatizmë.
Dhe përsipër si medaljon një hënë të zbehtë?
Me thuaj pa ndrojtje:
dëgjoj dhe përjetoj më shumë nga ç' janë....
Por s’di sa larg gjendet bulëza e parë e pavdekësisë...
Hesht, në çdo moment fshihet pavdekësia
Më lër, mbyll sytë,
Të gjitha sa shumë i dua..!