E premte, 29.03.2024, 06:27 AM (GMT)

Kulturë » Berisha

Sejdi Berisha: Amaneti i Mësuesit

E enjte, 09.03.2017, 06:32 PM


Sejdi BERISHA:

 

AMANETI I MËSUESIT

(Me rastin e 7 Marsit-Ditës së Mësuesit)

 

Në një mëngjes

Herët

Ama shumë herët

Ishte zgjuar mësuesi

Dhe ngadalë kishte hapur

Derën e shtëpisë-shkollë

E kishte çelur ditarin

Dhe pa ardhur nxënësit

Shënuar e kishte orën e mësimit

Kishte shkruar:

Nxënësit e mi

Mësoni dhe dojeni atdheun

Se, një ditë

Do të lindë dielli

Që do t’u ngrohë

Me dashurinë e lirisë

 

Kur kishin ardhur nxënësit

Ora e mësimit ndryshe kishte filluar

Mësuesi mbi tavolinën e punës

Kishte mbështetur kokën

Dora dhe lapsi i kishin ngelur

Pa e shënuar amanetin deri në fund

Do pika gjaku qëndisur ia kishin

Edhe ballin edhe ditarin

Armiku këtë e kishte bërë

 

Tash

Ata nxënës

Që dikur mësuesi  i kishte mësuar

Janë krenaria e kombit

Janë madhështia e atdheut:

Janë mjekë

Shkencëtarë

Janë artistë e shkrimtarë

Por përgjithmonë

Në kujtesën e tyre

Shtëpia-shkollë

Qëndron si lapidar historie

Edhe mësuesi

Me shikim kah nxënësit e vetë...

 

(Pejë, e martë 07 mars 2017)



(Vota: 4 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora