E premte, 29.03.2024, 12:50 AM (GMT)

Kulturë

Qazim Shehu: Refrektare

E hene, 29.08.2016, 05:25 PM


REFREKTARE

 

QAZIM D. SHEHU

 

Kur errësira yjet në dukje vë,

Për çfarë kam humbur e pranë s`më ke,

Në një yll të kërkoj dhe vështrimin lë

Afrër tij, aq sa drita e tij ma nxë.

Dhe aq sa drita refrekton,

Në mijëra kilometra largësi,

Shoh dritën tënde që vonon,

Dhe pamjen mugulli,

Por asnjë yll nuk më  shkëndijon

Edhe pse bëhet errësi…

 

MORNICAT E ZEMRËS

 

Me mashë të dëshirës shprushita

Mijëra gaca të zemrës,

Edhe kur u linda edhe kur u rrita

Dhe tani që  afrohem një moshe të  dhembjes.

Ato pastaj në trupin tim

Hidheshin  hapësirave të tij,

Dhe kur u dogja në përvëlim,

Pa mundur të kthehesha në hi,

Edhe kur më ndezën sa mendime

Sa fjalë memece u hapën  gojën,

Në tokën e tyre intime

Vijonin e vijonin lojën,

Si parathanie e lajmëruar,

Gjysmën e zemrës duke djegur

Gjysmën duke e zgjuar…

 

BALZAKU

 

Me gishta vetëtimash na prenë

Gjithnjë një këmishë fati,

Ardhë nga qielli suprem,

Gati për tek shtati.

Rrezet diellore e shkopsitën

Sa herë na fryhej gjoksi nga dëshirat,

Edhe kur përmes hovesh e grisnim

Me ëndrra e arnonim të mirën…

Po kurrë prej saj nuk pamë gjë

Edhe pse prej jetës mund të zbrisnim

Ca vite  që humbnin pa zë

Ca varfëri  të mërzitshme.

Shagreni vononte dhe Balzaku

E solli atë në një roman,

Vetëm për kaq, së paku

Na ngazëlloi se ekziston…

 

URAT E AJRIT

 

Dorë e mëshirës së lumit

Diku aty ku hollohej uji,

Vuri ca gurë dhekrijoi

Një va.

Kur pa si kalëronin dëshira

Dhe njerëzit

Mbërdhinin gjymtyrët për ta.

Gjithë urat e takimit në ajër

Ishin aq të gjata,

Sa valët zbrapseshin,

Në netët e vlagta.

Kur ura e vërtetëu bë,

Dhe vau mbeti nën të,

Tani në bregun tjetër

S`thërret më asnjë zë,

Urat e ajrit malli

I trillon për tjetërkë…

 

PORTA


I shfletova sa libra me radhë, gjersa

Erdh koha dhe pashë se fjalët ishin po ato,

Dyndur tek një portë që mbyllte hapësirën e dijes.

Disa ishin të lodhura, disa ngulmonin

Portën ta shqynin.

Të tjera prapsonin e më kërkonin

Nga mendja ime të merrnin udhëzime,

Dhe unë u nisa, të tjera shoqe

Fjalë të ngarkuara me pajime

Hollësishë dhe kurthesh të nevojshme,

Po kur shkuan atje, porta ishte hapur

Dhe dija kishte thelluar ca hone...

 

QEPUR ME PENJ DËSHIRASH…

 

Dhe mali si një kokë kali

Yjeve u hingëllin,

Diçka që nuk shihet para yjeve

Aty ,me sa duket ,mbërrin.

Hija e jetës që nuk do të zverdhet

Dhe penjtë e dëshirave që këputen nga

Tmerret…



(Vota: 1)

Komentoni
Komenti:

Video

Qazim Menxhiqi: Niset trimi për kurbet


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora