| E diele, 05.06.2016, 11:11 AM |
Kristaq Turtulli
Vëllait tim
Në një qytet që laget nga deti, ku këndoi Homeri,
Mërgoi vëllai, zemërarti, këngëtari,
Në mbrëmje numëron yjet dhe i bën tespihe...
Gershet lidh katër horizonte,
Krihet me krëhrin e pishave...
Kometën e zjarrtë e lidh në qafë, si kravatë.
Vëllai është mbi Eskilë dhe Homerë.
Ka një këngë në buzë, një muzë dhe të vjetrën kitarë.
Bukën ngjyen në lëngun e sheqertë të mirësisë,
Di vetëm të këndojë dhe të dashurojë,
Të sjelle të ëmblën, Korçën pranë...