E premte, 29.03.2024, 01:31 PM (GMT)

Kulturë

Qazim Shehu: Shqetësim

E diele, 31.01.2016, 02:00 PM


SHQETËSIM

 

QAZIM SHEHU

 

Rrathë ujë, zjarri, dheu, gjethesh,

Rrathë tërmetesh në brendësi,

Rrathë i vura kokës të gënjehem

Nga një dashuri.

Me bindje se duart e fatit

Do i lirojnë për mëshirë,

Një rreth u vura fjalëve,

Një rreth një kodi të mpirë.

Po atë rrethin e kujtesës

Kush do ma lirojë

Me shpresë që e djeshmja

Të vijë në këtë çast e të më qetësojë?...

 

 

LULET

 

Ti solla lulet sa për dekor,

Po lulet janë më të bukura kur nuk këputen,

Për dhunën që u dhashë më vjen zor,

Shoh si kryet në dhimbje ulën…

Shpesh nxitojmë dhe për të bukurën

Një bukuri tjetër vrasim,

Jemi kaq të nxitur për t`u dukur,

Kaq të mëkatuar për t`u dashur…

 

 

NJË QEN MË VJEN PAS

 

Ai nuk është Mefisto ,unë jo Faust,

Dhëmbët nuk i skërmit,

Është një qen i bardhë

Veshët ul dhe sytë ndrit.

Ç`mall e ka zënë

Bishtin kur tund,

Eja i dashur dhe bishtin ma jep

Me të një dredhi të mund.

Ti je më i besueshëm se njëri

Më fal kur i thashë se ishte qen,

E shoh mallin tënd dhe dridhem i tëri,

Kur fjala para mendjes nuk ia vlen…

 

 

HIRI

 

Feniksi më dridhet në hirin e kujtesës

Ai nga hiri dot nuk ngrihet,

U bënë hi ëndrrat e mbijetesës,

Kur në rrënjë hijesh trazohen vitet.

Nga hiri dhe hija e tij

Me hir e pahir do shkëpusim diçka,

Një ëndërr feniksi po të mbijë,

Në këmbë hiri na mba…

 

 

NË LAJMET E PASDITES

 

Nga lamjmet e pasditës rrodhi,

Një pizgë e shfryrë indiference,

E keqja po na sjell në vete ndodhi,

S`paskam qenë unë në atë hije pretence.

Njeriu para se të fantazojë

Për tmerret që në lajme përcillen,

Veten e vet e fut në lojë

Në rrathë të prushtë fantazitë shkrihen…

Ç`pështymosje hidhen në lajmet e pasdites,

Duke i pritur ato më ngjan se afrohen,

Në mungesë të  shiut nga ajri bërtitës

Për tmerret që nuk tregohen…

 

 

KUQËLIM

 

Në mollëza u afrua kuqëlim i mollës,

Në dhëmbë një agim që pritet të vijë,

Shenjat e dashurisë janë kaq të holla,

Ato afrohen dhe vetëm shpirti jot për to

Kërkon të dijë..

Molla do hahet dhe buzëqeshja jote

Do shkrijë a ndezë një shpirt të ashpër,

Jeta siç nuk e pret do ndërtohet,

Dhe kuqëlimi do i dalë mangët…



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora