Kulturë
Qazim Shehu: Yjet notojnë në dritën e tyre
E premte, 23.10.2015, 08:41 PM
YJET NOTOJNË NË DRITËN E TYRE
QAZIM SHEHU
Yjet notojnë në dritën që vetë
E nxjerrin nga trupi flijor,
Kështu mugullueshëm nëpër netë,
Ndizen , pa zor.
Aq dritë sa fjala ime jep, dua,
Në atë shpërndarje të lodroj;
Ndezur nga majë e flokut në thua,
Pa kuptuar vuajtjen me theror.
Dhe pak e nga pak, porsi ylli
Gjer flakën ta djegë krejt,
Mbase mbetem yll i shuar
Që jep dritë edhe për ca vjet
DIMËROVA ME NJË TJETËR
Dimërova me një tjetër
Me një pranverë të shkurtër,
Ajo ma shtoi dhimbjen heshtur
Për çfarë s`ish e bukur.
Tash i kthehem stinës së parë
Si kriptomani një fjalëkryqi
Po dimri shpejtoi për të më varë
E për të vënë tek kryqi…
Kryqi i iki se më ka mbetetur
Ende një ndjenjë që më buis,
Kërkoj stinën ku është i etur,
Mbase çel për mua një filiz…
PERLA
Kur një koshereje me bletë plot
I afrohemi fytyrëzbuluar,
Kështu na ngjet jetë e mot
Ti afrohemi perlës së dashuruar.
Tek hapim guackën ,një e çarë
Na hapet në lëkurë
Nga dashuria mbetemi të shkarë
Të marrim perlën a të rrimë urtë?…
TË DESHA UNË TY…
Shpërndahet kujtesë e leximit
Në rrudhat e tua tërheqjen e dalëngadaltë
Për tu futur në terr të zgjinmit
Puthja ngjyhet në helm jo në mjaltë.
Tani veç largohemi të trembur
Nga njëri tjetri sigurisht,
Edhe unë e kam një emër po s`ta them,
Mbase ti trilleve u bën bisht.
Kohë na duhet të kuptojmë
Çfarë ndodhi me ne,
Të qetë para njerëzve shkojmë
Ndërsa ata për ne skanë nge.
Kështu ik koha dhe afrimet
Në cep kujtese lënë jehonë,
Sa të desha kjo dëshmohet
Në trillet e fshehta që na largojnë…
MJELLMA
Flokët e tu të verdhë mbi ujëra
Larguan një mjellmë.
Ish zjarr që ra pa u druajtur,
Aty ku mjellmat dëfrejnë.
Gënjim i mjellmës qe një ças
Kur dole nga uji lakuriq
Ish gënjimi që i erdh pas
Me ujin që u dashurua pranë teje çmendurisht…
STUHIA
Një pezm të fortë na derdh stuhia
Duke na kujtuar se ç`mund të ngjasë
Po të kish forcën e saj dashuria,
Vetëm ferr do kishte ,jo parajsë.
Meqë forcën e saj ende s`e ka,
Kur dridhet heshtur e vetëvritet,
Stuhi e ndjenjës e shpërnda
Si gjurmë që e shuajnë vitet…
BUJKU
Në duart e bujkut që nuk e njoh,
Kjo bukë bëhet bekim ,
Ndërsa gjer tek kalliri shkoj si filozof,
Në djersën e bujkut tek ndrin.
Në salla me banketa të shtrenjta
Ku milionerët bëjnë të kulturuar ujkun,
Asnjëri nuk kujtohet ç`është djersa,
Dhe natyrisht bujkun.
Ai rri diku në cep të botës
Pranë një are a një plugu,
E hedh farën pranë së shoqes,
Por bukën ia ha ujku..
RETË
E shprisha gjumin si një grumbull reshë
Fillim i stuhisë kur i shprish,
U afrua pa hile midis nesh
Dashuria, dhuratë mundësishë.
Kur s`donte të shtrohej krejt
Spërdridhej delirante ,koketë,
Atëhere diçka mes nesh u mvrejt
Prapë i thirrëm rete…