| E hene, 10.08.2015, 07:11 PM |
Dibran Demaku
ZGJOHUNI!...
Zgjohuni Ju të ditur e flisni pak me të gjallët
bëjnë jetë të tronditur mbuluar nga hallet!
Zgjohuni Burra të zgjedhur të fisit
të ia ruajmë shkëlqimin e bardhësinë Plisit!
Zgjohuni Burra shtatëlartë të dheut
në shekullin e zjarrtë të ia ruajmë faqen Atdheut!
Zgjohu e rri pak me ne o Ali Binaku
të thërret e të përulet shtëpia e Pragu!
Zgjohu koc i vjetër i Xhemajl Abrisë
veç ti asnjë tjetër i duhesh në log Pleqësisë!
Zgjohu e rri këmbëkryq në Kullë Ramadan Shabani
fole ndonjë fjalë e pi duhan me llullë se po na digjet Tabani!
Zgjohu plak i urtë zotëri Anton Çetta
I kemi prerë prapë drutë e ty të kërkon jeta!
Zgjohuni!...