| E shtune, 08.08.2015, 02:19 PM |
Demir KRASNIQI
Mallkuar qoftë kjo robëria
Mallkuar qoftë kjo robëria –
Prej saj ndërroi gjeografia !
Prej saj ndërruan vendbanimet ,
Popullata e toponimet !...
Mbi shqiptarë ushtruan dhunë –
Prej trojeve t’ veta i përzunë !
Fshatrave emrat ua ndërruan –
Toponimet u harruan !
Në shumë fshatra që pat shqiptarë –
Sot nuk gjendet asnjë për farë !
Nuk harrohet kurrë Toplica ,
Molla e Kuqe e Jabllanica !...
N’ shumë krahina tona shqiptare –
Nuk i duan tokat fshatare !
S’e duanë tokën , bujqësinë ,
Blegtorinë , as bagëtinë !...
Nuk e duan kopshtarinë ,
Shpezërinë , as bletarinë ,
Pylltarinë , as zejtarinë ,
As bulmetin , as qumështarinë !...