Kulturë
Kostaq Duka: Festa gjermane
E merkure, 29.07.2015, 07:26 PM
Kostaq Duka
Festa gjermane
Triptik
……….
Ne krahët e valsit
u bëra gjethe lozonjare.
Trupin e mishtë
e lashë një çast me çantën e shpinës në anë të tavolinës së gjatë të drunjtë,
dhe vallzova….
Në një çast gjithë valset e rinisë erdhen aty
në festën gjermane,
siç u bashkuan në një fillimet e mbarimet e dashurive
të lindura nën shira fishekzjarresh.
……….
Mes dallgës së hareshme
isha një stërkalë që herë bashkohej e herë
në ajër linte gjurmë.
Tavolinave të haresë, duke trokëllitur gotat me birrë,
u miqësova me të gjithë si të njohur me vite,
edhe pse pas asaj nate kam vetëm një adresë :Festa gjermane.
……….
Kurrizin mbështeta
shkëmbinjve të grirtë.
Mëndafshi i zi i natës supeve u derdh
me një butësi përkëdhelëse
Poshtë liqeni shkëlqimakullt ,
artikulonte tingujt e zëra të magjishme.
Hëna tinëzisht shkrepi blicin
këtë çast fiksoi për albumin e qiejve.
26 korrik,2015
Milwaukee,Wisconsin.