Zemra Shqiptare

  http://www.zemrashqiptare.net/


Sejdi Berisha: Nga dritarja ime

| E hene, 22.06.2015, 06:17 PM |


Sejdi BERISHA:

 

NGA DRITARJA IME...

(Apo elegji e pashkruar)

 

Nga dritarja ime

Sa shikimet më janë përvjedhur

Dëshirat

Në ëndrra më janë shndërruar

 

Nga kjo dritare

Zogun e lumturisë e kam thirr

Bukurisë së tokës lutur iu kam

Në fllad vere jam shndërruar

Qershizat për t’i pjekur

 

Nga dritarja ime

Me përrallat e gjyshes

Rritën e shtatit e kam mashtruar

Në vapë vere kur mbyste vetmia

Me zukatje mizash bëja histori

 

Nga dritarja ime

Gjithçka kam parë

Tinëz e kam parë

Përcjelljen e gjyshit për në varr

Edhe qyqen duke kënduar

 

Nga kjo dritare

Me sytë dhe zemrën time

E kam parë vdekjen e poetit

Që kullonte plagë atdheu

 

Nga dritarja ime

Ndoshta do ta shihni

Atë djallin

Që unë edhe sot e kërkoj...