Zemra Shqiptare

  https://www.zemrashqiptare.net/


Qazim Shehu: Vjetërsi

| E diele, 14.06.2015, 08:31 AM |


VJETËRSI..

 

QAZIM D. SHEHU

 

Sa të vjetër jemi ,një zot e di,

Thonë librat, çfarë nuk thonë,

Flas për librat që shkruhen tani,

Librat e vjetër kush nuk i shfleton.

 

Librat e vjetër fshehin të vërteta,

Fshehin dinakëri dhe mosbindje,

Vështirë të thuash sa je i vjetër,

Kur të sotmes i bën bisht me hile.

 

 

KUJTESË E LIQENTË

 

Mund ta përpish gjithë liqenin e kujtesës,

Në kërkim të një vale të freskët

Dhe në majë saj të vërtisësh

Gjykimin tënd të kthjellët.

 

E në këtë përpimë, një gropë,

Mund të shndrrohet në humnerë,

Më mirë ujin lerë aty të mbledhur lotë- lotë,

Nga djegia e pemëve prej një rrufeje të zjerë...

 

 

YJET

 

Pasi u endën universit yjet, duket, zunë vend,

Shkëlqejnë me një verbim të vjetër,

Në natën që kujdeset t`i ndezë fosforishentë.

 

Pika të një zjarri të shpërndarë,

Lopata e shpuzës hedhur nëpër erë,

Asnjë sy nuk është mbyllur pa qarë,

Për shkëlqimin e tyre të mjerë...

 

Zjarrin tokës ky qiell ia vodhi më parë,

Ajo të ftohet e shpirtin në qiell ta përzerë...

 

 

FSHATI

 

Dimension tjetër ka jeta këtu

Dimensionin e thellësisë në natyrë,

Dhe për këtë shkak qielli është më blu,

E për këtë njeriu më me vlerë.

 

Ec i vetëm anës rrugës shikoj rrjedhën e lumit,

Kreshtat e thepisura si kërcënim,

Dhe një ditë që mbushet bukur,

Me zëra që nuk duan zgjim.

 

E pse ta duan ,zërat janë kaq paqësore,

Kaq të thella në vetbesim,

Ato nuk u ngjajnë borive të plagosura,

As fishkëllimave të makinave me tërbim.

Që zgjojnë tmerret tona

Të ikim prej tyre pa na zënë shqim...

 

 

OBSESION

 

Nga poezia e një poeti amerikan

Më del përpara një mëllenjë,

Sapo ata dalin nga një tufë ferrash,

Dhe  imazhin e tyre shembëllej.

 

Më duket se ai poeti e ka ditur

Këtë ndjesi,

E marr një gur për t`ua vërtitur,

Vetëm me vargjet e tij të rri.

Ndërsa emri i tyre më rrënqeth

Gjithë angështi...

Hedh sytë,mëllenja s`ka aty...