E hene, 20.09.2021, 04:04 PM (GMT+1)

Kulturë

Ramiz Lushaj: Duka i Luftës

E marte, 26.05.2015, 07:22 PM


Ramiz Lushaj

 

DUKA I LUFTËS

 

1.

Beg Rizaj i Dukagjinit

Duka i Luftës

Gjinia e Trimit.

 

2.

Linde në trollin e barutit

Jetove në folenë e pushkës

Djep i Paqes.

Kullë e Luftës.

 

3.

-Ku je nisë...? – po të dvetin malet.

Ky Beg Rizaj kurrë nuk ndalet.

Nga Dukagjini në Karadak.

Tokë e qiell u ndezën flakë.

Nga një luftë shko në tjetrën

Në Kumanovë e dha jetën...

 

Nga qielli bombat,

Nga malet topat,

Nga toka tankset,

Kumanova ndez nga flakët...

 

“Lagjja e Trimave” se ka kot emnin.

Po ka trima që tundin vendin...

 

Në shekuj kanë me dvet brezat

Nga dita në ditë e nga pragu në prag:

-Kumanovë etnike shqiptare,

Për Ty, shqiptarët kanë derdh gjak...!

 

Beg Rizaj me plagë në trup po lufton me shkijet.

E mori Toka e çoi tek Yjet...

 

4.

Beg Rizaj në qytetin e Bac Bajramit,

Bash aty në kodër të qytetit

Po rrinë me babën tem, Ali Lushaj veteran,

E pijnë bashkë kafen e mëngjezit.

 

Nuk po ka kohë me ndejt’ gjatë ky trim

I merr me shokë të vet makinat me armatim...

 

Hapi i tij sa një pushkë,

E presin trimat,

E pret Kosova,

UÇK është në Luftë...

 

Luftë e madhe në Koshare,

Betejë legjendare.

Luftojnë trimat me krajlët e rinj të Serbisë,

Me e thye kufinin mes Kosovës e Shqipërisë.

Me i pasë jeta ditët e Lirisë

Me i pasë Koha ditët e lavdisë...

 

-A i kie dy alltia?- i pat’ thanë baba im:

- Një mbaje aty në Deçan,

-Tjetra të duhet për Shqipërinë.

 

Beg Rizaj si një Isa Boletin,

Dy alltia i mban dhe sot...

 

Një në Deçan,

Një në Kumanovë...

 

Ato duhen jetë e mot.

 

5.

- Nuk kam lind me u plak, veç me krye mision e me ikë!

E ka thanë Beg Rizaj i UÇK-së.

Pak ditë para Luftës së Kumanovës,

Para rënies heroike në Ditën e Europës.

Sy e faqe botës.

Në dritë të Diellit.

Në besë të Tokës.

Në amanet të votrës...

 

Ai ishte e mbetet bashkudhëtar me Lirinë

Nga Deçani në Kumanovë.

Me moshën e Luftës e të Paqes.

Në rradhët e historisë tonë.

 

Ai e dha jetën për Shqipërinë e Vërtetë,

Natyrale. Etnike.

 

Ai iu la kohënave këtë thanie biblike.

 

6.

Po dvetin malet:

-Beg Rizaj, sa vet të  ka ushtria?!

 

-Aq sa luftëtarë ka Trimnia.

Aq sa të mbahet në dorë alltia.

Aq sa t’na lypin Liria...

 

7.

Po i dvetin malet:

-Ku rri Beg Rizaj, komandanti i “Njësisë së Shqipeve...”?

- Në Deçanin e Sylejman Vokshit e të Isa Boletinit,

Në Deçanin e Ramush Hajradinit...

 

8.

Komandant Beg Rizaj,

Trimin e Koshares e të “Lagjes së Trimave”

Prapë, po e thirri Kumanova, Presheva, Nishi, Mitrovica,

Ulqini, Sanxhaku, Rrozhaja, Plavë-Gucia.

Dorën e ka në dy alltia,

Hapin tek Liria...

 

Vjen si yll i qiellit shqiptar,

Vjen si valë e Drinit të Bardhë,

Vjen si mal i ri i Deçanit,

Me i dhanë prapë jetën vatanit.

 

9.

Beg:

me tri germa emni yt genetik

me tri germa emni yt si komandant ,

në tri luftna - në tri shtete:

Në Kosovë, në Preshevë, në Kumanovë...

 

Në tre mijë vjet luftna

Dardan epik e modern mbete.

 

Beg Rizajt çojani tek varri:

Tre gurë të bardhë Deçani

Tre pisha të gjelbra nga majemali.

 

Shqipëria i don dhe tre mijë vjet

Me  këta Plisa e Lisa të saj,

Shqiponja në fluturim,

Si komandanti luftëtar - Beg Rizaj.



(Vota: 4 . Mesatare: 4/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora