Miradije Gashi: Shkabë-flamur

Miradije Gashi

SHKABË-FLAMUR

Ukshin Hotit

Sa e sa vite ikën

O trim, o burrë...

Dhe mungesën tënde ende

Ne e ndiejmë.

Për ty malli sa vjen e rritet,

Për ty dhembja s'pushon kurrë.

Barbarishti erdhën barbarët

Mbushur gjithë urrejtje e mllef

Dhe n'ty u shfrynë.

Se frikë e kishin dijen tënde

Për ta ishe thjesht një tmerr.

Ishe fjalë e shpirtpamposhtur,

Ishe mendje që sheh larg,

Uragan që dot nuk ndalesh

ISHE SHKABË,

ISHE FLAMUR!