Gjon Keka: Gravurë e rrallë, e Gjergj Kastriotit

Gravurë e rrallë, e Gjergj Kastriotit Skënderbeut

Nga Gjon Keka

Kjo gravurë ka një domethënie të madhe për faktin se aty mund të shohim në mënyrë simbolike Gjergj Kastriotin si fëmijë që merret si peng nga Turqit në njërin krahë dhe në tjetërin shihet Gjergj Kastrioti i rritur dhe formuar me shpatë në dorë. Ndërsa personi me fytyrë njeriu që zbrit nga qielli më krahët e shqiponjës apo engjëllit shqipton nga goja e tij emrin Scanderbec sic mund të shihet në shigjetën që kam vendosur aty dhe nënvizuar.

Që do të thotë se një emër i madh po vjen ,një Aleksandër i dytë po lind dhe poashtu ai që do të zbritë si një engjëll mbrojtës e shpëtimtar për kombin e tij dhe do të jetë si një shqiponjë që me krahët e tij do të përqafoj popullin e pambrojtur arbnor nga barbarët turq.Gravura si më lartë është e vitit 1680 nga kronikat historike të ruajtura në arkivat e Vjenës dhe bibliotekat nacionale.