Zemra Shqiptare

  https://www.zemrashqiptare.net/


Poezi nga Begzat Rrahmani

| E merkure, 11.02.2015, 07:15 PM |


Begzat Rrahmani

 

JEMI VEÇ NJË MARIONETË

 

Ju dolët në arenë

Atje për të vdek

Ne s’ jemi fajtor

Që gjallë keni mbet...

 

Edhe ju jeni si ne

S’ jeni më të mirë

Si të uleni në kolltuk

Do të shikoni si ne sehir...

 

Më mirë rrini në shtëpi

E bëni si ne pallë

Si na shikoni ju qofshim

Por dijeni se jemi në hall...

 

Pare e qejf kemi boll

Por gjumë e qetësi jo

Për atë që mendon populli

Do të dali në shesh po, po...

 

Në punë e gjumë

Në zemër kemi lepur

Për dëshirat e popullit

Ne se jemi të etur...

 

Bombat që priten të shpërthejnë

Te ne kanë shpërthyer që moti

Te ju popull i mjerë

Le të rrjedh gjaku e loti...

 

Fjalët që i themi

Përherë i mban era

Si te këto dhe ju

E dimë se na ka rënë vlera...

 

Jetojmë si ato për mish

Këtë se kemi menduar kurrë

Por tash më jemi bindur

Se jemi mbështetur për mur...

 

Kjo që rrjedh s’ ndalet

Ne jemi veç një marionetë

Ndoshta ky ajër pistë

Shpejt na bënë shkret...???!!!

 

 

DO TA GOZHDOJNË OREOLËN

 

Errësira e kësaj nate

Mbajti pak si tepër

Jo vetëm me fjalë

Por edhe me vepër...

 

Kukuvajka vajton

Huti përgatit lot

Errësira na mbështjell

Krejt na ka zënë rob...

 

Errësira mendon për OREOLËN

Të paktët shikojnë dritë

Krejt adoleshentët

Mendojnë për të ikë...

 

Nëna e baballarë

Nëmin errësirën

Që u erdhi pa thirr

Ua mori të mirën...

 

Sa e keqe e pa shpirt

Kjo e mallkuar errësirë

Fëmijën, familjen e gjakun

E shet shumë lirë...

 

Dije ti errësirë

Zoti ka dhënë edhe DRITË

Donë apo s’ donë errësirë

Do të hasësh në pritë...

 

Do të shqyejnë përshqyejnë

Si kurva kopilin

Si agu që copëton terrin

Drejtësia ty e REZILIN...

 

Do ta gozhdojnë OREOLËN

Ty errësirë në kokë

Që errësira të tjera

Mos të na bien mbi kokë...???!!!

 

 

NË FRON DO TË HIP

 

Do ta marrim koliben

Do të flasim shqip

Unë si kryetar

Në fron do të hip...

 

Do t’ua japim pallatin

Me oborr e me ara

Dalëngadalë nga këtu

Do të na shuhet fara...

 

Këto janë të mençur

Me tru e kokë gomari

Që në ENCIKLOPEDI

Thonë biçim shqiptari...

 

Këtë e vërtetojnë

Me strofën e parë

Që pas atyre

Të mos ngeli farë...

 

Si ato të komunizmit

Që hynë në histori

E cofën si gomari lypësit

Të mbuluar me tradhti...

 

Jeta është e gjatë

More kolibxhi të kuq

Vdiqët plotë të rinj

Gjaku u shkoi huq...

 

Trimëria juaj qenka

Si shpirti renegatit

Edhe hijen që e mbani

U bëhet si e lugatit...

 

Vetëdijesoheni ju

Që jeni të kalemit

Mbillni dije e kënaqësi

Leni këto të veremit...

 

Veremi rritet e shtohet

Edhe në dekadën e dytë

Por te ajo e treta-

Do t’ua nxjerrin sytë...???!!!

 

 

S’ KENI (KEMI) TRU

 

Ne kemi koka

Por s’kemi(keni) tru

Prandaj na vrasin

Me top, pushkë e dru...

 

Serbi e greku

Por dhe maqedoni

Ju o budallenj

A nuk shikoni...

 

A nuk e ndjeni

Duket ashtu doni

Edhe ofendimet

Mirë i përjetoni...

 

Përveç parasë

Tjetër gjë s’keni

Kënaqeni me ato

E pas grillave ç’ keni...

 

Të mençurit japin para

Bëjnë për vete LIGJE

Të thonë për popullin

Dhe fëmijën për ne DIGJE...

Dikush nga ju tha;

-pas meje diell të mos lind

Atë se thotë i marri

A jo lideri e prind...

 

Ai që u falë paratë

Por edhe vila e pallat

Si ta merr fronin

Kokën ta pret me shpatë...

 

Prapë kthen pasurinë

Se e donë shumë shtetin

Ty të sakaton

E kurrë të vetin...

 

Prandaj përdorni trurin

Ju të mjerë politikan

Mendoni mirë për ligjin

Se ai kokën ua hanë...???!!!

 

 

PËR NË KUVEND DUHEN BURRA

 

Juve u ka befasuar

Por ne ndjejmë kënaqësi

Të revoltuar duke luajtur

Thoshin ca fëmijë...

 

Dha urdhër eprori

Të pastrohet bora

Nga shumë shqiptar

U shtri shpejt dora...

 

Me shumë kënaqësi

I kapën kacitë

Eprori i hutuar

Dhëmbët ua kërcit...

 

Për kacitë dhe sharrat

U paska falur Zoti

Këtë ma ka thënë

Gjyshi dikur moti...

 

Për lapsa e libra

Duhet dijeni

E ju për ato

S’keni aftësi...

U kënaqën të mjerët

Me veprën e bukur

I lëviznin duart

Si sorkadhë e flutur...

 

Pastaj njërit eprori

I tha diçka në vesh

Ai pas ca minutash

Si bubë u kërlesh...

 

U mbështet te lopata

Dhe filloi të kruhet

Mua më bekoi tha

Kështu posti ruhet...

 

Të nesërmen dha urdhra

Për gjoba e dënime

Në arsim e tregti

Në të vetat vendbanime...

 

Dikur xha Biti thoshte;

-Për në kuvend duhen burra

E jo si këto renegatë

Të fëlliqur e kokëtula...???!!!

 

 

E SAKATUAT KOMBIN

 

Dyzet vjet merrem

Unë me krijimtari

Tash duan të më ndalin

Këto horrat në qeveri...

 

A s’është marre

More mend dalë

Doni edhe letërsia

Si politika të jetë e çalë...

 

Ç’ keni me mua

Merreni me vetveten

E sakatuat kombin

Me sherretë e sherreten...

 

Si kënaqej me karikaturat

Në perëndim i madhi kryetar

Si e shpërbleu piktorin

E jo si ju të mjerë shqiptarë...

 

Nesër do të pendoheni

Do të ndjeni turp të madh

Por do të jetë shumë vonë

Për kokën e sodit livadh...

As unë e as ju

S’ themi fjalën e fundit

Amshimi këtu dhe atje fitohet

Prej vepra dhe mundit...

 

Këto që jemi

Dhe ato që do të vinë

Dinë të gjykojnë

Për robërinë dhe lirinë...

 

Do të na vizitojnë te varret

Me marre apo me krenari

Do ti thonë dy tri fjalë

Për të mirë apo për marri...

 

Ato që i shtynin

Tu këndojmë e shkruajmë

Atëherë krenoheshin

E tash i mallkojnë...

 

I dinim si tash

Se ishin të përlyer

Dhe çdo ditë si ju

Edhe ato mbillnin mynxyrë...???!!!

 

 

GOMARI DYLBER, QË PËLLISTE SI LIDER

 

Ma morën gomarin

Ma çuan në polici

Pse mbaja dru

Në dimër të mos ngri...

 

Pas tri ditësh

Kishte ngordh gomari

Më erdhi shumë keq

S’di ku i është varri...

 

Malit e gjente rrugën

Ai për mrekulli

Edhe pse s’ishte

Anëtar në parti...

 

Përherë kur pëlliste

Thoshte s’jam lider

Por jam shumë mençur

Bile edhe dylber...

 

S’kam si liderët

Unë fakultet

As nuk pispillosem

Të dukem si mbret...

Barrën që ma ngarkojnë

Unë e çoj në shtëpi

Është amanet

Gostitem me tagji...

 

Jo si ato të pa cipë

Shumë gjëra premtojnë

Si ulen në kolltuk

Ato i harrojnë...

 

Tash te kolltuku

Vëndojnë kunj të fortë

Shpejt lumturia

Do tu kthehet në mort...

 

Lider mësoni rrugën

Siç e mësojnë gomarët

Mos të cofni si ai i mjeri

Ju nga vetë shqiptarët...???!!!