Zemra Shqiptare

  https://www.zemrashqiptare.net/


Demir Krasniqi: Kuku nane po m’ dhemë dora

| E enjte, 05.02.2015, 07:16 PM |


Nga përditshmëria jonë :

 

Kuku nane po m’ dhemë dora (Parodi në gegërishte )

 

Kuku nane , po m’ dhemë dora –

Natë e ditë  , oj nanë , tuj shkru’  parolla !

Kuku nane , po m’ dhemë gishti –

Në protesta , oj nanë, do me m’ dalë bishti !

 

Kuku nane , po m’ dhemë krahu –

Nji polic , oj nanë , sa  keq më rrahu !

Kuku nane, po m’ dhemë trupi –

Nji polic , oj nanë , shkelma ma hupi !

 

Kuku nane ,  po m’ dhemë  fyti –

Karriera , oj nanë ,  krejtve na myti !

Kuku nane ,  po m’ dhemë  qafa –

Tuj lakmue pozitat e nalta !

 

Kuku nanë ,  po m’ dhemin faqet –

Tanë tuj  matë , oj nanë , me shpinë sokaqet !

Kuku nane , po m’ dhemë  balli –

Mollotovi , nanë, flokët mi kalli !

 

Kuku nane ,  po m’ dhemë  syni –

Po m’ rrjedh loti , nane,  m’ qorroj tymi !

Kuku nane ,  po m’ dhemë hunda –

S’ na u  ndal  shtupci , nano, s’ na u ndal  dhuna !

 

Kuku nane , po m’ dhemë  veshi –

Tanë tuj qitë , o,  petarda  gjithë sheshi !

Kuku nane , m’ kanë  ra flokët –

Tanë tuj m’ ngrehë , oj nane , zhag për toke !

 

Kuku nane , po m’ dhemë kreshta –

Më shkoj jeta , oj nanë , nëpër protesta !

Kuku nane , po m’ dhemë prostata –

Më shkoj jeta , oj nanë, në demonstrata !

 

Kuku nane , m’ ka hi breva –

Më shkoj jeta , oj nanë , nëpër  greva !

Kuku nane , po m’ dhemë gjuri –

Protestuesit , nanë, m’ kanë  gjuajt me guri !

 

Kuku nane ,  po m’ dhemë kama

Tan tuj  kcy’ , oj nanë, nëpër  bagllama !

Kuku nanë , po m’ dhemë mjedisi –

Tanë tuj m’ ra , oj nanë, kërbaç  polici   !

 

Kuku nane ,  po m’ dhemë  barku –

M’ ka ra shkelma , oj nanë ,  i pa nafaku !

Kuku nane , po m’ dhemë  kërthiza –

Për karrierë , oj nanë ,  na ka rrokë kriza !

 

Kuku nane , po m’ dhemë   gjoksi –

Tan tuj hangër ,  nano ,  turli boksi !

Kuku nane , po m’ dhemë shpina –

Tanë tuj m’ rrehë , o , po m’ shohin  Prishtina !

 

Kuku nane ,  po m’ dhemë goja –

Ma ka rrasë , oj nane,  grusht truproja !

Goja ime s’ po i ndalë  fjalët –

Tuj m’ ngrehë  zhag  n’ asfalt e nëpër baltë !

 

Policia po na japin shpresë –

Shkelma bythëve edhe grushte  kresë !

Me duer lidhun , nanë, na çojnë dal ngadalë –

Gjysa n’ burg , oj  nanë , e gjysa n’ spital !

 

Kuku nane , u bamë horë –

Dom me e marrë , o, pushtetin me zor !

Kuku nane , e humba  shnetin 

Tu u mundue me zor me e marr  shtetin !

 

Nuk kërkojmë , o, na punë me punue –

Veç dom vendin , o , na me sundue !

Me protesta dom  me u ba lider –

Veç me u ba , oj nanë , miliarder !

 

II.

O lideri i ri, aman , aman ,

Postin lëshoma ti !

Postin s’ mund ta lëshoj , more djalë –

Deri n’ përjetësi !

 

Oj molla n’ rremë , aman, aman,

Shajë e mos ëm nemë !

Hajde i ndërrojmë pozitat , djalë ,

Soll për hatër tem !

 

Gjilan , më 29.01.2015 .         Demir KRASNIQI