Sejdi Berisha: Për t'i mos harruar kujtimet

SEJDI BERISHA

PËR T’I MOS HARRUAR KUJTIMET...

(Kushtuar Jusuf e Bardhosh Gërvallës dhe Kadri Zekës)

Sot

Nëse ktheni në Gjimnazin e Pejës

Disa tinguj kitareje

Si në thellësi shpirti

Do t’i dëgjoni

Edhe këngën

Atëherë të çuditshme rinore

Nëse hyni

Në secilën dhomë mësimi

Aty do të hasni frymën djaloshare

Që na bashkonte

Që na rebelonte

E me Kanjushën e Verdhë

Jusuf Gërvalla

Na treste ëndrrat dhe etjet e atdheut

Sot

Kjo tingëllon edhe më shumë

Pikërisht sot

Edhe për ato krismat e liga

Nëse nuk besoni

Shkoni tek shtatorja

E Jusuf Gërvallës

Atje në Pejë

Tek teatri i këtij qyteti

Edhe aty këndon me kitarë

Për historinë

Ka pasur edhe shumë për të thënë

Mos hezitoni

Shtatoren e tij pyeteni

Nëse nuk merrni përgjigje

Atëherë

Së paku putheni atë

Për t’i mos harruar kujtimet

As rrugët e kombit