Nebi Dragoti: Urime me haik satirik

NEBI DRAGOTI

 

URIME ME HAIK SATIRIK PËR 2015.

 

Viti i Ri ardhtë ndryshe:

darkë e varfër,mesatare,e pasur…

E pasur për deputetë e pushtetarë…

***

Punë pastë e punë haptë

Viti i Ri për të gjithë,

jo vetëm për dallaverexhinjtë.

***

Qeveri,ç’do të bësh për popullin?!

Hej,nëse nuk të ha meraku

të ngrëntë brenga sa më parë.

***

Rruga asfaltuar shkel e shko:

saqë bëhen dhjetra përurime…

U thyen gërshërët,u thyen…

***

Viti i Ri i mobilizoftë të gjithë!

Duhet :Ruilindje,Rilindje…

Arrihet me punë e shtet ligjor…

***

Qan e qesh nga marazi,

plas për sukseset e pozitës…

Dje qe pozitë..shterp pozitë…

***

Nëpër gazeta avaz i vjetër…

Duhet azhurnim për progres,

ndryshe …largohu nga media.

***

E merr qeverisjen me vote:

populli të hipën dhe të zbret…

Jo ulesh e s’tundesh të punosh.

***

Sa mirë,kur firmos borderonë,

o pushtetar,ministër,deputet…

A e ke bërë hak përsa merr?...

***

Kritiku shtyn për të ndihmuar,

publikon vlerën,e ,kur s’e ka,

”kritikën”ia merr lumi…

***

Të pasurit të pasur qofshin,

por…jo vetëm për Vit të Ri;

të kujtojnë të skamurit bark bosh…

***

Ka këngëtarë të harruar,të mallkuar…

Se ju të tillët harruat këngën shqip,

këngën perlë të trevave shqiptare…

***

Këngën e jetës,melodi lulesh shqip,

përhapne magjishëm nëpër ekrane,

në podiume,në festa e dasma.

***

Ooo,zjarr ka kënga shqiptare

E valle flatrash shqiponje ka…

Ju indiferentët,të larguarit prej saj?…

***

Këngëtarë,mos marrshit mallkim,

kompozitorë,mos u harroftë emri:

këndoni,kompozoni shqip!

***

Politika merr vlerësime edhe mirë,

…edhe keq,kur nuk mbron

shqiptarët e vet nëpër Botë.

***

Ndrrimi i viteve mbushur urime,

urime…por ka dhe një sekret:

vetëm me punë realizohen të gjitha!

***

Vret haiku satirik ,vret:

ata që s’punojnë ku hanë,

kush,kush punon për ata?!

***

U përulem:poetë,poetucë,ç”jeni!

U përulem:vareni vath në vesh!

U përulem:me shqipen letrare lëvroni!

***

Vriten fëmijë,burra e gra,

përgjigju,përgjigju ti,moj Botë!

Mbi politikën krimi rëndon…

***

Tundëte vithet,barkun jashtë:

-Jam femër moderne,-më tha.

-Je putanë moderne ,-i thash.