| E enjte, 18.12.2014, 08:55 PM |
ÇKA KA THANË MEHMETI
Çka ka thanë Mehmeti –
Dija hallin veti !
Këqyri punët tuaja ,
Mos mbajë gajle t’ huaja !
Ka pas thanë malësorja Zojë –
Mos i merr hallkun për gojë !
Mos ta bëjnë hallku me dorë ,
Se çka t’ mbjellësh ke me e korrë !
Ka pas thanë mixha Jakup –
Ku t’ hash bukë , mos përmbys kupë !
Se t’ vret buka mot pas moti ,
T’ mallkon sofra , t’ mallkon Zoti !...
Çka ka thanë , ai mixha Mujë –
N’ krua t’ hyqmetit mos pi ujë !
N’ krua t’ hyqmetit t’ mbyllen sytë
Dhe të mbetet uji në fyt !...
Çka ka thanë , ai mixha Sykë –
Gomarit t’ hyqmetit , kurrë mos i hipë !
Mbi gomar t’ hyqmetit , lehtë do të mashtrohesh –
Herë do kurë do t’ rrëzohesh dhe do t’ sakatohesh !...
Çka ka thanë , kjo tezja Hyrë –
Këqyre vetën në pasqyrë !
E mos luaj me fytyrë ,
Se do mbetesh pa yndyrë !
Çka ka thanë , kjo halla Mrikë –
Mos u rras në politikë !
Mos ia ngul vetit atë thikë –
Herë do kurë ke me u fikë !
Politika është zjarr që joshesh –
Nga i cili kurrë s’ do t’ ngrohesh !
N’ politikë kurrë nuk do t’ ngihesh –
Herë do kurë n’ te do të ndizesh !
Gjilan, më 18.12.2014. Demir KRASNIQI