Agim Gashi: Ndamja për të gjallë

AGIM GASHI

 

NDAMJA PËR TË GJALLË

 

Për n´mërgim unë kur u nisa,

Me shëndet moj nanë se ika,

Hallall buka, hallall kripa,

Hallall t´mira, halla t´liga.

 

O u nisa moj nanë u nisa

N´këtë mërgim katran të zi,

Seç po treten njerzit, nanë,

Thatë mbesin t´shkretat shtëpi.

 

Ah u nisa moj zemra ime

Në mërgim në atë nëperkë,

Me i kerku vuejtjet e jetës,

Me lane nanë e me gjetë njerkë.

 

Kur kam dale deri te porta

Nisin vajin vllazën e motra,

E kur dola n´tshkreten lamë

N´zi e n´vaj e shkreta nanë.

 

O hallall atdhe i dashur

Të ma ruejsh nanën time,

Atë grua plot dashuni

Që m´ka rritë me plot mundime.

 

Lamtumirë nanë e atdhe,

Po shkoj atje ku nuk kam varrë,

Ma e randë kenka se vdekja

Me u nda për të gjallë.

 

06.04.2014

Düren

 

 

VAJI PËR ATDHE

 

I

Errësira kaplon botën

Në dhomën time plot qetësi,

I vetmuar kalon jeta

Nuk ka, nuk ka më dashuri.

 

Natë e ditë unë qaj e qaj,

Si shkon jeta në vetmi?

Qysh se moti atdhe kur të lash´

Nuk mu teren këta sytë e mi.

 

II

Eh sa vuaj kur Ty të shof

Nuk më zihet vndi vend,

Të kan rrokë Karaxhozët

Po të kcejnë ty rend më rend.

 

Natë e ditë o atdhe i dashur

Për Ty qaj e s´ndalem kurrë,

T´u e lutë Zotin e Madh

Kjo zemra ime mos u bëftë e huj!

 

III

Dikur isha si zog mali

Fluturoja n´çdo cep të Arbërit,

Me kufi sot m´zihet fryma

Nga farë e keqe dhe farë tradhëtari.

 

Dal n´dritare e derdhi lot´

Zemra ime po mban zi,

Vetëm këngë të vajtimit

Sot atdhe këndoj për Ty!

 

18.06.14

Düren