E premte, 02.12.2022, 04:23 PM (GMT)

Kulturë

Agim Gashi: Lulekosove e shtyll flamuri

E hene, 24.11.2014, 07:53 PM


AGIM GASHI

LULËKOSOVE E SHTYLL FLAMURI

 

(Kushtuar Sebahate Tolajt e Isuf Haklajt vrarë më 24 nëntor 2003 në krye të detyrës)

 

Vrasës të regjun i zunë pritat

Me t´zeza maska mbulue ftyrën,

Me i vazhdue vrasjet serike

Pa zgjedh mjete, pa e ndrrue mënyrën.

 

Atë mëngjes ju zgjodhen Juve

Dy lule t´bukura e çrimtare,

Me ju nda nga jeta e vepra,

Ata vrasës, sortë tradhëtare.

 

Lulëkosove Sebahate Tolaj,

Isuf Haklaj shtyll flamuri,

Oficier të policisë

Për atdhe Ju shëndriste nuri.

 

Dy ushtar të UÇK-së

Nuk kursyen mundin e jetën,

Tash n´liri donin atdheun,

Me zbulue të vërtetën.

 

Kjo tokë e mbushun me spiuna

Prap n´Kosovë vrasin barbarët,

Në atë mëngjes të nantorit,

N´liri vriten çlirimtarët.

 

Kur u shkrepën ata plumba

Trupa t´njomë shpuen përtej,

U ndie dhimbje n´tokë Kosove

Ardhmënia në zi e terr.

 

Mallkuen bjeshkët e gjëmuan fushat,

Dukagjini gjithmonë në zi,

Oj Kosovë e mbjellun n´varre

Prap derdh gjak, o e mejera Ti.

 

II

Ata vrasës i pau toka

I pau rruga, i pau gjaku,

I pau mali, i pau fusha,

I pau shtëpia, i pau pragu.

 

Qetë e qetë me gjakftoftësi,

Kryen veprën, tash shpërblimi,

Drejt n´pushtet e n´parlament,

Kështu atdheun e udhëheq krimi.

 

Në atdheun tim të mjerë

Vazhdojnë vrasjet, gjenden kufomat,

Kriminelët bëhen qingja,

Nëpër entet e shkollat tona.

 

Na ka mallkue Zoti i qiellit,

T´u përbuz çdo gja shqiptare,

Na ka mbush me kriminelë

Në parti tona farë tradhëtare.

 

Na i mbylli Zoti sytë

As te hunda nuk shofim ma,

Me kriminel e vrasës katila

Ardhmëni atdheu ska.

 

Zgjohu ma o populli im

Po të lutë atdhe i mjeri,

Ka ardhë koha sot ja kurr,

Me u nda shapi nga sheqeri.

 

III

Ju dëshmorë jeni liria

Sebahate të kujtojmë,

Me Ty bashkë edhe Isufin

Kurr për jetë sdo t´u harrojmë.

 

Nuk ka qetsi toka dardane

Pa u zbulue vrasësit e juej,

Jeni kujtesa dhe drita e kombit,

Jo, jo kurr s´baheni të huej.

 

Do t´vie dita, do të çlirohemi,

Nga vetëvetja e vetërobnimi,

Do të shpërblehet atdhetari,

Do ta marri denimin krimi.

 

Vetëm atëhetë do të qeshin varret

Shpirtat e Juej do të çlirohen,

Rreze drite do t´bien n´atdhe,

Kur kangët për Ju lirisht këndohen.

 

24.11.14

Düren



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora