E diele, 05.02.2023, 05:16 PM (GMT)

Kulturë

Faruk Tasholli: Kjo nuk është nata finale

E marte, 18.11.2014, 07:34 PM


Faruk TASHOLLI

 

KJO NUK ËSHTË NATA FINALE

Dr.Florit, me respekt

 

Kjo nuk është nata finale e jetës sate

Në duartrokitjen e rëndë të lotëve,

Të gjithë do të bëhemi dhè

Pasi ta provojmë jetën dhe dashurinë me fund

 

Shpirtin tënd nuk e zë varri as e mbulon dheu

Ai regtin lart, më lart se krahët e shqiponjave

Tek ngjitet qiellit mbi Sharr mbi Korab e Tomor

E ndrin e ndrin natën e vjeshtës së rënduar

Me shkelqimin e këngës si një meteor

 

Kjo nuk është nata finala e këngës sate

Që të përcjell në botën e engjëjve

Plot zë plot jetë plot dashuri e mall

 

Zëri yt i mbush plazhet e bukura Adriatikut

Autostradat që nguten ta zënë jetën mbarë

Me zhurmën e gjakut me bum-bumet e zemrës

O falma edhe një këngë në atë Shqipëri

Te këmbët e maleve se mbarova

 

Për nje refren

 

Tash po hyn e po del arenës së shpirtit tim

Me bujë Si gladiator i patrembur

Që merr shikimet e mbyll gojët

Vetëm zëri yt të kumbojë kësaj nate

Si bubullima

 

O ku humbe ku u trete

Nuk shihen lulet as nuk shihet dheu

Derisa të kanë mbuluar kurora këngesh

Ti dashurinë nuk e merr me vete

I dashuri ynë që na jep zemër për jetë



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora