E premte, 17.09.2021, 11:45 AM (GMT+1)

Kulturë

Ilir Magjistari: Do të të pres deri vonë

E diele, 16.11.2014, 07:11 PM


DO TË TË PRES DERI VONË

Cikël poetik

NGA ILIR  MAGJISTARI

 

KJO JETË LOJË

 

At’herë...

Atëherë kur s'duhej

Më erdhi goja,

Kur s'duhet të flisja

Por veç të dëgjoja.

 

Tani ...

Tani kur kam edhe veshë

Edhe gojë,

E duhet të flas,

dhe të bërtas

për gjëra që duhet,

Më shumë dëgjoj

Dhe hesht.

Hesht i pagojë.

 

Kjo jetë ...lojë.

 

 

KËPUCËT

 

Nga poshtë,

holluar shuajt fletë cigare.

Nga lart ,

Llustruar si në vitrinë.

 

Këmbë që dhëmbin

Deri në palcë.

Therrin,

Kur hyjnë brenda tyre.

 

Kaq fals

Ai luks,

Ajo pamje.

Kur marin udhë

Të ecin...

Me shpresë

Mes rrugë të gënjeshtërt,

Mos mbesin...

 

 

MUZG

 

Në mijra meteorite

loton mbrëmja.

symbuluar,

nga ndrojtja

mos i zbulohen ëndrrat;

 

Perëndimi i skuqur

lajmëron që dita po shkon.

pa zhurma.

Dhe me natën,

nis e bie thellësisht.

 

Disa, nisin

të nanurojne,

të tjera ëndërra

dremitin paqësisht.

 

TejMuzg!

 

 

VERBUAR

 

Ti dielli im

Më le verbuar.

Pa sy.

Nuk shoh dot.

As nuk flas dot.

Rrugicave të errëta brodha

I trishtuar.

E di ?

Të verbërit nuk qajnë me lot.

Po ëndrrrat ?

Ëndrrat

Me ç'sy ti shoh

Kështu verbuar?

 

 

TANI  ËSHTË  FTOHTË

 

Përqafimet e tua

Zjarrin kanë humbur.

e si kallama akulli,

Më rëndojnë supeve.

Nga ajsbergët shkëputur,

Dhe notojnë

mbi re trishtimi.

Të zbehtët përqafime

Jetimë të kohës që shkoi.

Mbarsur,

Klonuar nga tjetër kund

Dhe ardhur

Nga rrugë e humbur

S'di se ku

Se ku..., nuk e di….

 

 

DO TË TË PRES DERI VONË

 

Në mbrëmje

Kur të vish vonë

Bëmë shenjë që erdhe ti

 

Bëmë shenjë

Një këngë këndomë

A hidhmë gurë mbi çati.

 

Unë do zbres

Buzëqeshur

Si jargavani erëmire

 

Ti veç puthmë

E lot't e mallit

Mos mi lër pa fshirë...

 

 

SEGMENT

 

Me zjarrin tiim do ta thaj detin

Më këmbë do nisem për tek ti

Një urë puthjesh ndërtomë

Qe sa më shpejt tek ti të vij.

E dil me prit sylagur nga malli

Të sjell një mal, një mal me dashuri....



(Vota: 5 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora