| E enjte, 06.11.2014, 07:22 PM |
SKËNDER R. HOXHA
(Dy poezi)
SHIU KTHEN KUJTIMET
Në ujëvarat e shiut
Të fundverës
Kritsalet thekojnë
E atje në horizont
Në çdo ngjyrë të ylberit
Shoh siluetat
E të dashurave
Tek krehin flokët
Si të Lumet e Natës
Me qirinj në dorë
Shiu kthen kujtimet…
(12 shtator 2014, Pejë.)
VARGJET THËRRASIN
Nuk bën keq –
Të më shkruash mesazh
E para,
Ngase je më e re…
Nuk bën keq –
Të më cingërrosh në telefon
E para,
Ngase çmon vlera ndjenjash…
Nuk bën keq –
Të m’i trazosh ëndrrat
Edhe pas mesnate,
Ngase më dashuron!...
( 6 tetor 2014, Pejë.)