| E diele, 12.10.2014, 10:07 AM |
Vjollca Tiku Pasku
JAM
Jam e dashuruar me engjëllin e flakës
kur bëhet i padukshme e djeg pa shërim,
merr një shkëlqim verbues e tret guackën
e zemrës lakuriq e noton lumturinë.
Jam e dashuruar me ngjyrën e zemrës,
që reflektojnë vetëtimat e dashurisë,
mbledhur gjithë ari i bukurisë femërore,
të japë nuancën termike të magjisë.
Jam e dashuruar me atë goditje në kraharor,
që lind një çast e shtohet nga të tjera
përhap jehonën në të gjithë shpirtin njerëzor,
diell e horizont shkrihen të kuq në vena.
Jam e dashuruar përherë, kudo në përjetim,
sepse vetëm dashuria,bën që dielli të lind në agim.