Ndue Lazri: Antitezë mëngjesi…!

Ndue LAZRI

Antitezë mëngjesi…!

Bashkë me kafenë e mëngjesit tim,

gjerb lajmet e para të gazetave;

Të hidhura,

aq sa më bëjnë të shtoj dozën e sheqerit në të…

“Kriza, hodhi në rrugë edhe dhjetëmijë të papunë”,

“Një shqiptar ra “heroikisht” në Siri”,

“ Katër murgesha i dhunuan dhe kokat ua hodhën përdhe,

gijotina është copëzuar në qindra hanxharë në duart e fondamentalistëve të pafe…”

Lajme, që ngjishen si re të zeza.

Në autoradio vë një muzikë gazmore,

po edhe ajo, tretet asfaltit autostradës së jugut,

ku ndodhin aksidente…

Pastaj…

Pastaj, ëmbëlsia e zerit tënd n' telefon,

më kujton që jeta s’ka veç lajme gri…

Ajo tringëllimë, më kujton që je dhe Ti...

Gëzoj..

Qesh…dhe vazhdoj, rrugëtoj!