Poezi nga Xhevat Muqaku

PORTRET MIQËSIE

 

Sot me dheun tim

pas gjumit të parë agoi

i bardhë një portret miqësie.

 

Fund Maji i 81- shës

në qytetin e bifurkacionit

rilindi fotografinë e djegur.

 

E reja e brumosur me dije

shpalosi kujdesëshem fillin e izoluar

copëzën gjurmë të idealit atdhetar.

 

Në gjakun-damarët- zemrën time

rrugëton pa pushue kujtimi i mbjellur

që prej kohësh i rrënuar dukej. (23.07.'14)

 

 

NË FLAKË ME PËRSIATJËN

 

Derisa të përtrij grafitet

e princit dhe borëbardhës

rri strukur në rrënojat e tërmetit.

 

I përkushtohem ekzaminimit

të mësuesit tim në vendlindje

pa e mbyllë syrin për një çast.

 

Tek e ledhaton dhimbja lotin

shkrinë akullnajën Rapsodi

përvëlohem unë burri memec. (24.07.'14)

 

 

E FORMËSUAR

 

Zgjimin tim sot

ambël e vrojtojnë

lulezemër e formësuar

që erdhi qetë pa e vërejtë

në përcjellje solemne të yjeve

dhe qiellit të Dardanisë...(26.07.'14)

 

 

PRIT MOS IK NË GJUMË

 

Të plotësojmë së bashku

faqen e bardhë dhe të djegur

para dhe pas muzgut të parë.

 

Të bashkëbisedojmë shtruar

për resurset e vendlindjes tonë

asnjeri mos të ndjehet i lënduar!

 

Të përkujtojmë gjeneratën e motrës

zotimin dhe betimin e Hipokratit

majin e ngrohtë dhe të artë.

 

Të vazhdojmë mrekullinë

të risjellim përmes rrëfimeve episodike

kujtimet e ëmbla të asaj kohe. (28.07.'14)

 

 

SHPALOSJE

 

Përmledh dy/tri fjalitë e ëmbla

që arratinë time e zbusin

në fushën e shahut.

 

Pikërisht çastet e ëmbla

çëndisin tek unë fotografinë

e dytë në vendin e të parës.

 

Perëndimi i mbrëmjes

vërdallë nëpër kokën time sjell

fjalët që binjakëzojnë polet.

 

Duke ecur gjurmëve të kohës

së djalë- vajzë rinisë tonë atëher

i drejtohem sot ndjenjës sublime. (31.07.'14)

 

 

SHKËNDIJË BELBZAKE

( Në valëvitje me amanetin )

 

Prej thembrës së Lypetenit

krahë e ballëhapur fluturove

në kulmin e alpeve shqiptare.

 

Vrojtove muret në trojet tua

mu si engjëlli urt e prajshëm

në sofrën e maturës aterove.

 

Me vehte sjelle ujë Perzereni

zotit dhe shtëpisë që të gëzuar

festuan dasmën e bardhë.

 

Erdhe me urinë- etjen- shijen

fjalën e ëmbël në majën e gjuhës

belbëzimin dhe shkëndijen. (02.08.'14)

 

Xhevat Muqaku, 03.07.'14 në Singen