Rrustem Geci - Lulet e Drinit

Rrustem Geci

LULET E DRINIT

Dielli, ky mbjellës i përjetshëm

bashkë me shiun, borën, erërat

Janë krijuesit e jetës së gjallë

janë muzat e tharmit poetik

Era që xhamat jashtë i torturon

dhe me shi nga pak i spërkatë

qielli nuk është dhe aq paqësor

kënga e duarve duhet të fillojë

Neve që hallet na kanë thyer

dhe endemi të papunë për punë

Bashkia s´qan kokën, Bashkia

s´flet; ajo s´do ta dijë për ne

O t´i që jeton nga plehërat, dhe

nga skrapët e kazanave , nga

shishet dhe kanaçet e hedhura

a e di s´i bëhet dora jote grusht!..

Rrustem Geci, poezi nga libri, "Trojeve të mia"