Kulturë
Kostaq Duka: Mbështjellë prej heshtjes
E merkure, 18.06.2014, 06:51 PM
Kostaq Duka
Mbështjellë prej heshtjes
-Triptik-
Vetzhdukje e ngadaltë
Nëse
mbështjellë prej heshtjes
ngec diku,
këmbanave bjeruni miqtë e mij
mes jush të vij sërish.
Heshtja është gjumi i dëborës
Vetzhdukje e ngadaltë në harrim.
Vëmëndja
Nuk e lyp
e kërkon me ngulm vëmëndjen fëmija.
Një çast ta lesh në harresë
zë çirret me të qara e britma.
Nuk e lyp
E kërkon me ngulm vëmendjen pleqëria
edhe në kolltuk mbretëror nuk ndihet qetë
nëse zërat e të tjerëve
nuk mbrijnë në qoshen e tij të shkretë.
Bashkëec me vetminë
Herë, herë
bashkëec me vetminë,
në një shteg pylli të blertë
buzë liqenit, detit , oqeanit dallgësertë.
Vetmija më jep lirinë të gjykoj veten
për t’u bërë më i mirë
i paduaruar për t’u rikthyer mes njerëzve te tjerë.
Qershor 2014