Përparim Hysi: Tri poezi

Tri poezi

Nga  Përparim Hysi

"Tartakuti"

Unë makut, me shumë "halle"

Seç u bie femrave havale

Me to  shpesh bëj dhe shaka

Një e puth, tjetrën "ha-ha!!!"

Por ke parë; njëra-xanxare

As duroi  shaka fare

Dhe më jep pëllëmbë surratit

E tërbuar prej inatit...

Yt!- më tha,- o tartakut

Paske qenë vërtet harbut

Ç'më pandehje, faqezi?

Se nja shtatë u bën tani!!!

Po vejusha? S'qe e teta?

A-ja,B-ja,C-ja... Zeta

Me tëtshoqe u bënë nëntë

Tartakut që plaç  në vënd!

Me mua do  që t'i bësh dhjetë

Oh, ç'na shkrive, o lanet!

-Hiqu tutje, o shejtan!

Se kam timin si xhan...

Çast

Gjiri yt topolak vetëtiu poshtë fustanit

Nuk e di pse unë, i ziu, mora huqet e jaranit

Se ta ngriti fustan era, feksi kofsha-ar i bardhë

Të lajthit, dihet, pranvera, kur e humb dhe një kokëbardhë.

Pastaj hipe në makinë,edhe sytë hodhe si grifshë

E si mos e humb unë gjeminë, sado thinjur, natyrisht

Mëndja mbeti nën fustan, luajti, thuaj, nga bardhësia

Po ta dish mirë, moj  xhan, për të"fshehurën" luan burgjia.

Çudi?!

Bari ha e pi lëngun e tokës

Zë e rritet e vdes nën rrezet e diellit

Unë as pyes më për thinjat e kokës

Po dua të vdes aty,  mes prehërit...