E enjte, 28.03.2024, 11:21 AM (GMT)

Kulturë

Mehmetali Rexhepi: Shtëpia prej flluskash

E premte, 02.05.2014, 06:30 PM


Shtëpia prej flluskash

 

Nga Mehmetali Rexhepi

 

është avull

ose ujë i ftohtë

që të pikë në ballë

ngjyrë e paparë

që kapet a s`kapet

ose rrjedh vërdallë

për tu ngurtësuar

në daç nxehe

në daç ftohe kokën

ngurtësimin e bëri moti

se e zuri

dhe ia veshi gëzofin

*

mos shtrydh mendimin e mekur

s`të pikon luleshtrydhe e pjekur

ai ka shtëpi

dhe kulmin mbi krye

si t`i gjendet shtëpia

asaj të flluskuare

prore

mësyj me thinja

*

peshkatari i peshkimit të peshkut të mendjes

hedh grepin me majën e mprehtë të penës

shpon viktimën e karremit

zvarraniku i ngathët ngulitet

peshku i shkathët  oqeanit vërtitet

*

joshja s’është joshje

përderisa lakminë se ngopte

anashkalohet karremi

dorës së shtangur i bie kalemi

*

shtëpia e nisur do të ngritët

për të shumëçka lypet

hapësira mes gishtash këmbëza

tytash shënjestrash

kati përdhe shtylla të forta

për kate të larta dhoma

dritare që i drejtojnë kahet

e tej shikimit izolimeve

brenda krahnezat

dhe vapë e mendimit

oxhaqe të pa rrënuar

mbi kulm rrufepritësi

t`ia përçojë rrufetë

motit të shpirtit

*

kuzhina pa amvise i gatuan instinktit

fulterja mbi stufën e ndezur të ndjenjave

fshije pluhurin e gjakimit të shkrumbuar

lavjerrësi në njërin korridor

matë hap - mbylljet e dyerve pa doreza

kumbojnë kumte  gjithfarë orëve të djerra

           mijëra fletë të bardha rrinë të hapura

riparo shtëpinë prore të pa kryer të mendimit

prej plasaritjeve të streseve

lumturia e plasaritur

në tualet gjumin e porositur sjell

*

pos në sekondë gjeniu kapi enigmën

minutat orët ditët javët muajt vitet

futin dhëmbët e ajrit ku s`futen mitet

në kullotën pingule myshqeve

muret epuar assesi rrëzohen

Pirgu  i Pizës

drejtohet epohet

nga vullneti i shtruar saktësisht

i tokës së rrotullueshme mrekullisht

shinave harkore të ekuinoksit



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora