Adem Zaplluzha: Burgos viktimën shpërblen kriminelin

Adem Zaplluzha- poet

BURGOS VIKTIMËN SHPËRBLEN KRIMINELIN

Në halle të mëdha ka rënë Kosova ime

Po kukat vallë ditë e natë

Mbase qenka pak si shumë  jetime

E po e ngarkojnë edhe me një gjykatë

Me pa të huajin nëpër shtëpi

Se si sorollatet rrugëve ky teveqel

Kur i bie ndërmend të shkruan hajmali

Të bënë hajn e të shpellë kriminel

Mbarë e mbrapsht kurdoherë vepron

I ka rra sëpata në mjaltë

Deklarimet çdoherë i mbrapshton

Fjalët e dëshmitarëve i shkul me daltë

Ai ka vetëm një të vërtet

Sa herë t’i teket të shpallë fajtor

Pa e vënë kokën në siklet

T’i shkul fjalët nga shpirti me zor

U konvenon këtu me qenë gjyqtarë

Me na shitur pak gogla e më shumë dushk

Sepse na njohin që jemi qyqar

Veç për vëlla ne patëm pushkë

Pa pikë faji të njollosin

Ta vënë lakun të lënë pa ardhmëri

Sa për fytyrë nuk merakosen

Veç ta kënaqin të pakënaqurën Serbi

Ku ka vallë trishtim më të madh

Burgos viktimën shpërblen kriminelin

Sa herë që i teket Dik Martit kokë llallë

Me dënua shqiptarin ligjeve ua ndërron telin