Kulturë
Shahin Ibrahimi: Liri e vjedhur
E hene, 07.04.2014, 04:11 PM
Shahin Ibrahimi
Liri e vjedhur
Zonjës vjedhurazi nga duart i rrëshqit
Me lirinë e cunguar vraponte i hutuar,
Makina
Dëshpërimi zemrat i mbarti ngarkuar.
Si një shkrepëtimë pa re në qiell
Mu duk dënesa e fëmijës për qenin
Me rrezet e tua ngrohe o diell
Që zemra e saj mos ndjej dëshpërimin.
Zemra e qiellit mu duk se u prek
Aq therëse mu duk ajo piskamë,
Çdo zemër psherëtin kur ndjehet keq
Nga shumë sy, lot për të ranë.
Qeni i frikësuar priste ta ledhatonin
Shoferi si i ngurosur hapi sytë,
Shikime mirënjohëse drejt tij vraponin
Me mankth trazuar mjegull e dritë.
Në detin e ngrirë atë pamje dua ta varros
Kur dëgjova thirrjen erotike të një zogu
Bukurinë e agimit një pakujdesi e çvendos
Erërat fryjnë që të pastrohet smogu.
Pritja e një ikje
Largimi yt mbylli dëfrimet
Rrugëve shoh veç fytyra pleqsh,
Qielli u rrudh fshehu gëzimet
Shpirti mu bë çerdhe rrufesh.
E nesërmja nuk ka ngjyrë
Kur e sotmja nuk shkëlqen,
Oh zot mbushmë me mëshirë
Se ironia therëse po më bren.
Atje ku hëna zbardhte dhëmbët
Pranë saj ndjehem më mirë,
Kur me daltë gdhendnim zemër
Tani me kujtimet heq mërzinë.
Zemra vritet veç nga halli
Në mankth trazuar nuk shkrin gjë,
Vatra e shpirtit merr flak nga malli
Sot vegimi yt frymën po më zë.
Vajtoj hijen pranë shtratit të saj
Se veç ajo qëndron kujtim i pa tretur,
Shtrydhur gëzimin e shkuar mbaj
Portat e zemrës hapur kanë mbetur.
Kohës i bëj amnisti me shpirt të mekur
Asnjë sozi se zë vëndin tënd,
Dhimja dhe malli ditarin kanë tretur
Shiu i vjeshtës lag përherë atë vënd.