E merkure, 28.09.2022, 08:40 AM (GMT+1)

Shtesë » Lajme

Shqiptarët e kapur peng në Siri nga Al Kaida

E premte, 10.01.2014, 08:09 PM


Ekskluzive: Shqiptarët e kapur peng në Siri nga Al Kaida (video)

Nga Bota Sot

Hetem Sinan Dema e Qani Mujaku nga Kaçaniku dyshohet të mos jenë shqiptarët e fundit të vrarë këto ditë në Siri.

Si rezultat i përplasjeve me rebelët vendës dhe jo me forcat e presidentit Bashar Al –Assad, pretendohet se ka edhe shqiptarë të tjerë që janë vrarë të hënën në veriperëndim të Sirisë.

Burime thonë se në një përpjekje të grupeve rebele për ta pastruar lëvizjen e tyre nga elemente të “Al Kaidës”, i kanë vrarë në një aksion të paktën 34 luftëtarë të huaj në Siri.

Burime të tjera kanë shpjeguar se disa nga të vrarët janë shqiptarë.

Në një video të postuar në YouTube flasin katër persona, tre prej tyre flasin në gjuhën shqipe. Njëri prej tyre, më i riu, pasi flet në arabisht, në gjuhen shqipe tregon për problemet që kanë nisur ndermjet grupeve rivale që luftojnë kundër Assadit. Sipas tij, në Tarifat është përhapur lajmi sikur familjet shqiptarë janë marrë peng nga Ushtria e Lirë, derisa e mohon një gjë të tillë.

Në këtë video ai duket se është në presion të flasë ashtu sic i thotë burri në të djathtë që flet vetëm arabisht. Ai thotë t’i ketë vizituar disa nga familjet shqiptare, por ato nuk e dinë se si është gjendja e familjarëve tjerë – burrave. “Me thirrën mua si shqiptarë që të dëshmoj që nuk ka asnjë problem te familjet shqiptare”, thotë ai, duke shtuar se “as te ne nuk ka asnjë problem”.

“Unë jam te xhebha dhe gjatë luftimeve jam kapur, por me kanë pritur shumë mirë këtu”, thotë ai, derisa iu bën thirrje të tjerëve që “të maten mirë nëse e kanë ndërmend të luftojnë kundër grupit Al Nusra”.

Më pas burri me mjekërr që flet shqip e pyet një person tjetër në gjuhën shqipe, por i shtyrë që t’i parashtrojë pyetje nëse i kanë marrë peng gratë Ushtria e Lirë.

“Jam Abu Alban. Familjet tona në Siri janë mirë”, thotë ai, derisa nuk i shihet fytyra. “Ne kemi ardhur këtu për të luftuar për hir të Allahut e jo për të vrarë njëri tjetrin”, thotë ai.

Shumica e shqiptarëve që luftojnë në Siri janë në veri të këtij shteti, gjegjësisht në kufirin e Sirisë më Turqinë në provincat Idlib dhe Alepo. Në provincën Idlib ka ndodhur vrasja

e 34 të huajve. Në bazë të një skenari të njohur, shumica e vullnetarëve shqiptarë kanë përfunduar në tokën siriane duke udhëtuar përmes Turqisë.

Luftëtarët e huaj, kanë bërë që rebelët sirianë, gjegjësisht grupet që po luftojnë presidentin Assad të humbin mbështetjen perëndimore për shkak të dyshimeve të perëndimit se këta të huaj janë të infiltruar të Al- Kaidës brenda luftës për heqjen e diktatorit.

Sipas shpjegimit, në mesin e rebelëve sirianë, janë tre grupe luftëtarësh. Jabal al-Zawiya, aleanca e forcave kryengritëse që ka orientim demokratik dhe që lufton kundër Presidentit Asad, është forca më e madhe kryengritëse. Dy grupet tjera më të vogla, Al Nusra dhe Isil, janë të afërta me organizatën terroriste Al Kaida. Luftëtarët e huaj janë pjesë e dy grupeve të fundit. Vrasja e 34 prej tyre, mendohet se është bërë pikërisht nga pjesëtaret e grupit të rebelëve Jabal al-Zaëiya në përpjekje për të pastruar kryengritjen nga elemente të organizatës terroriste.




(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora