Drita Lushi: Motrës

MOTRËS

- Në PragMartesë-

…!

Teksa ndonjë lot i ngrohtë

do të rrëshqasë në faqe,

Mos e fshij;

Është lezeti i kësaj dasme.

…!

Nga Drita Lushi

Bija  të një babai,

Që ndonse ëngjëll në qiell

Shpirti i tij, rrugën na ndriçon si diell.

Bija të një nëne fjalëpakë

Stoike  e të mirë,

Shembull ynë më i dlirë!

Motra të dy vëllezërve,

Djem t’bukur e azganë,

Që krah  i patëm gjithmonë.

Me mijëra inde dhe fije

Të lidhura unë e ti, motra ime.

Fije, ëndërrash dhe dashurie.

Orët  veshur janë e ndrijnë margaritar

E Ditët shkëlqejnë  nga vezullimi yt nuse.

K’të  dimër, ti po na e kthen  behar.

Teksa ndonjë lot i ngrohtë

do të rrëshqasë në faqe,

Mos e fshij;

Është lezeti i kësaj dasme.

Në të bardha për pak ditë

Ti si Yll do të ndrish.

Si pajë të japim veç uratën tonë:

Një qiell lumturi, shumë, shumëfish.