Zemra Shqiptare

  https://www.zemrashqiptare.net/


Luan Kalana: Shqipëria, mëmëdheu

| E enjte, 21.11.2013, 07:26 PM |


Luan Kalana

 

Shqipëria, mëmëdheu

 

“Ti, Shqipëri, më jep nder, më jep emrin Shqiptar” - Naim Frashëri

 

Cila Nënë ty të lindi,

kusht ty të pagëzoi,

cilët ty ta vunë emrin,

të thërasin bota ALBANI.

 

Kush eshtë ditëlindja jote,

cila është mosha e shqiptarit,

skalitur me numra të artë,

Aq sa mosha e kësaj toke.

 

Cila tokë të ka gatuar,

cili djep të ka përkundur?!

Më të lashtat Arbërore,

fole shiponjash ,Shqipëri.

 

Cila vatër të bekoi, të rriti?!

shkruar legjenda në mure

derdhur lumenj gjaku për liri,

e pavdekshme gjithnje nuse..

 

Sa e vjetër është kombësia?!

Gjuhë e folur e parë e botës,

Kush është Mëmëdheu,amësia?!

Ku flitet shqip,më e madhe se Iliria.

 

Sa do të rojë shqiptaria..?!

kur gjithë kombet do të vdesin,

një mbi tokë, do të mbesi,

Mëmëdheu i Tokës,Shqiperia…